Lihekele ze 500 lishinyiwa ki linziye

WINDOKO – Likwambuyu wa Liluko la Njimo Calle Sclettwein, viki yefelile naize kukatokwahala masheleñi alikana bolule bamashumi amalalu, kuli butata bwa linziye zefubelu zetuta bwa Afilika bobuzuhile mwasikiliti sa Zambezi, ili zese sinyize lihekele zamafulelo zemyanda iketalizoho. Kubateñi kwa linziye nekubihilwe la 12 Muyana 2020, kwa Muzii, Namiyundu, Ivilivinzi, Lusese, Ihaha, Nakabolelwa, Masikili, Malindi, Ibbu, Ngala, Muyako, Mahundu, Machita, Kikiya, Kanono, Muketela, Linyanti, Chinchimani ni Kapani. Mi kutisa cwale lipiho zeñata linze libihiwa.

Schlettwein naize likwata zesweli kubeleka teñi litalimani ni butata bobu cwale ka kutokwa lisebeliso zakueza mafulo, limotikala ni butuna bwa sibaka. “Hakutalimwa butata bobu bulezwi babeleka batalimani ni bona, lulumela kuli kufaelela mwahalimu kutahiswe kuli kutibelwe kuambalakana kapilipili,nikuekezakwanombolo ya babeleki, ili kuli bano beleka kakucincana,” nabulezi hanafa piho Mwandu ya Milao, kuamana ni butata bobuli mwa sikiliti sa Zambezi. Naize kuna nikusebezwa katata kuli butata bukwaniswe. Butata bwa linziye zefubelu bwa Afilika butaselize linaha zeli bukaufi zecwale ka Botswana, Zambia ni Zimbabwe.

Naize zeñwi zalinaha zeo lisebelisa mukwa wa kufaela mwahalimu, ili kalulo yabulela kuli itisa kuli linziye litutele kwanaha yeñwi. Linziye libulelwa kuli likona kuzamaiswa ki moya, milikonakufufalibimazemwanda kazemashumi aketalizoho kazazi. Muzamaisi yomuhulu mwaliluko la njimo mwasikiliti sa Zambezi Violet Simataa, nabulelezi New Era kuli nombolo yabafaeli iyekelizwe kuzwa Labulalu. “Kuna ni cincheho kakuli mwakweli ya Muyana hane lubihile kuzuha kwa linziye, nelisali mwamayemo akuhohoba. Kono cwale bana ba base bahulile mi bafufa. Likwata zaluna lisweli kusebeza molikonela kuyemisa butata. Kono lusatokwa yetuna kuli linziye ze liyemiswe,” nabulezi.