Malengwami bahanelwa kuzekela kwande

WINDOKO – Baana babalalu bane batamilwe kuamana ni bushol i kakusebelisa lilemano, kwamuyaho wa lintolo wa Black Chain mwa Katutura Lasunda viki yefelile, teñi masheleñi alikana N$900 000 na uzwizwe, nebahanezwi kulumelelwa kulifa masheleñi akulibelela muzeko wabona kwande, h ane ba b on a h a l i l e mwa khuta ya muatuli yomunyinyanimwaKatutura Labubeli. Babanyazwa Andres Katonyala, Simon Ndimulende ni Johannes No ag, neb at amilwe Lamubulo mi banyaziwa kamul a tu ulimuñwi wabusholi kakusebelisa lilemano.

Mwaponahalo yabona yapili fapila muatuli yomunyi nyani Alice Gawanas, bazekisi bamuuso nebahanile kuli balukululwe kuli bazekele taba yabona kwande.

Muzekisi wa muuso Michael Munika naize babanyazwa batalimani ni mulatu omutuna mi muuso ulibelezi kutama babañwi. Babanyazwa kono nebazibisizwe kuli bana ni tukelo yakukupa kuzekela kwande simubuso.

Taba neisizwe la 27 Njimwana, kulumelela lipatisiso kuli lizwelepili, nikuli babanyazwa babate bayemeli bamulao.

Babanyazwa babihiwa kuli bawela mwasikwata sabalobapeli bane basweli litobolo zafanoka, mi nebasweli bakanteli bababeli, mukwaezi ni mutusi wahae, kakubasupa litobolo hane bapatehile kulonga makwati amasheleñi mwa motikala yene baitusisize kubaleha. Sibuabui wa sipokola Kauna Sikwambi naize masheleñi ane auzwizwe nazwelela kwalintolo zeshelashelana mwa Windoko. Sikwata sene silongile masheleñi nebapatehile kulonga masheleñi kwasintolo sa Pick n Pay mwa Katutura taba hai ezahala.

Babanyazwa nebalongile makwati amasheleñi ane bauzwize mwamotikala yamufuta wa Polo ni kubaleha. Mapampili akhuta atalusa kuli babanyazwa neba balehile ni masheleñi alikana N$991 196.