A dhipaga kuume ke komiihole, e ta i yaha momutse nokusa
Omulumentu gwomimvo 48, okwa yaha omukiintu ngoka yali ye na ekwathano lyomiihole noku mu dhipaga, nondjembo omanga ina iyaha yemwene.
Oshiningwanima shika tashi yemateke osha ningwa mEtine lya zi ko molukanda Oneshila mOshakati.
Omupopiliko gwopolisi moshitopolwa shaShana Thomas Aiyambo okwa ti, oshiningwanima shoka osha holoka lwopotundi 23h00 popepi nehala lyomaninwo ta li ithanwa Etameko.
“Otaku hokololwa kutya aaniihole mboka okwali taya nyenyeta, naashoka shae ta enyenyeto inashi shiwika. Shoka osha eta sigo omukiintu ngoka a pula ongodhi ye yopeke, kwali tayi longithwa komulumntu ngoka eyi galulilwe,” Aiyambo ta ti ngaaka.
Ta ti, aniwa oya li ya tsikile nokunyenyeta, sigo omulumentu ngoka a kutha ondjembo ete mu yaha momutse. Omulumentu nguka taku hokololwa a hokana omukiintu gulwe keehe shi nakusa, okwa tanagula ondjembo e ta iyaha natango ye mwene momutse. Ayehe oya si ethimbo olyo ndyoka.
Aiyambo okwa ti omulumentu okwa yambukile momukunda Iiwiyongo omanga omukiintu a yambukile kEndola.
Moshiningwanima shikwao, opolisi oya lopotelwa oshiningwanima sheso sho omukulupe gwomimvo 65 a aadhika a imangeleka mondunda ye yokulala nongodhi, Etine lya zi ko molukanda Oneshila mOshakati.
Aiyambo okwa ti, ina thiga a shanga shoka sha etitha opo a ikuthe omwenyo.
Natango olutu lwomulumentu gwomimvo 36, olwa adhika mondunda ye yokulala pevi mOshakati. Shoka sha etitha e so lye, inashi shiwika. Omakonakono gwopolisi oge li metifa.
Moshiningwanima shikwao, omukiintu gwomimvo 56 okwa si sho a li ankambukile megumbo lyopuushinda.
“Otaku hokololwa kutya omukiintu ngoka okwali a yi megumbo lyopuushinda nelalakano lyokukakonga ekwatho, oshoka ka kwali euvite nawa. Okwali a gwile moseti noku sa,” Aiyambo a po pi ngaaka.
Oshiningwanima osha holoka potundi 16h00 yokomatango molukanda Omahenene mOshakati.
Opolisi moshitopolwa shaShana oyi li molukongo lwomulumentu ngoka a kwata omukiintu gwomimvo 22 koonkondo, momukunda O ship um bus ho mug on go, Etitatu lya zi ko.
Otaku hokololwa kutya omulumentu ngoka okwali a zi konima yomukiintu ngoka no ku mu hat apo,t at amekeo ku mu then gun una ko kwaako kumwe, ete mukwata koonkondo.
Ayehe oya yambukile mokunda omo tuu moka.