Covid-19 ya iteyela modholongo yaShakati

ONGWEDI VAUu m i n i s t e l i wuuhaku mOmaandaha oonkene wa li wa tegelelwa wu ka tsikile nokututsa aantu moosela dhopolisi konima sho aantu 33 ye li moka ya li ya monika omukithi gwoCovid-19 mehuliloshiwike. Omukuluintu gwopolisi yaShakati, Chief Inspetor Allo Matheus okwa ti kutya aanandholongo ye li 133 okwa tegelelwa ya ka tutswe. Moosela omu na aantu ye li 180 ngashiingeyi.

“Omalongekidho oga ningwa nokwa tegelelwa uuministeli wuuhaku wu ka konaakone aanandhol ongo osho wo aanambelewa mboka haya longo nayo,” Matheus ta ti ngaaka. Sho kwa thikwa mOmaandaha, aanandholongo 34 naapolisi yaali oya li ya monika omukithi gwoCovid-19. Opo ku keelellwe etandelo lyomukithi nguka, aanandholongo mboka ya monika omukithi nguka osho wo mboka ya tegelela iizemo oya ikalekelwa.

“Ngele otwa mono iizemo, otatu topola mboka ye na omukithim naamboka yaagu na omanga taku ningwa omalongekidho ya ikalekelwe thilu,” Matheus ta ti ngaaka. Ngaashi oosela oonkwawo odhindji moshilongo, Mathues okwa ti dhaShakati nadho wo odha udha sha pitilila.

Os h iwike sha zi ko, oshikundaneki shika osha li sha lopota omunandholongo mOshakati a kwatwa koCovid-19. Nguka ota pangulilwa edhipago mompangu yopomanda yaShakati, nokwa li a monika omukithi nguka momasiku 17 Sepetemba. Omunandholongo ngoka anuwa okwa li a zi koRundu momasiku 5 Sepetemba 2020.

Oosela dhopolisi yEenhana oshiwike sha za ko oya li wo ya mono aanandholongo ye li 19 ya li ya monika omukithi. Omukuluntu gwopolisi mOhangwe n a , Commissioner Elizabeth Sibolile okwa ti omukithi otashi vulika gwe yam o naanandholongo yaali mboka ya li ya ka pangwa koshipangelo.