News in Oshiwambo
KARASBURG – Aanangeshefa aashona moshitopolwa sha// Kharas oya ti oongeshefa dhawo, ngaashi oonkwawo moshilongo ashihe, nandho odha dhengwa komuk ithi gwoCovi d - 1 9 , ashike oye na omukumo kutya omasiku omawanawa opo tage ya. Karasburg ondoolopa yi li ookilometa 200 muumbugantu woKeetmanshoop moshitopolwa sha//Kharas. Moonkundathana naNampa, Felicity Isaaks, ngoka e na ongeshefa yokuthaneka osho wo osho wo okupititha iinyolwa, okwa ti kutya nkene tuu osikola ya patele, kakwa li we ta vulu oku ka thaneka omathano koosikola ngaashi sha li hashi ningwa nale,m ta gwedha ko kutya iituthi ngaashi oohango oya shonopala, shoka sha shunitha iiyemo ye yokomwedhi pevi.
“Itatu vulu okupititha iinyolwa yetu oshoka kaku na iituthi. Oongamba oidha li dha pata onkene katwa li tatu vulu okuthaneka, omanga omukithi inaagu ya ongeshefa oya li hayi vulu okuninga N$20 000 ashike ngashiingeyi ohayi ningi ashike N$5 000, naashika osha li sha thiminike ndje ndi tete oondjambi dhaaniilonga yandje yaali,” ta ti ngaaka. Ta popi shoka a ilonga pethimbo ndika edhigu, Isaaks okwa ti,
“Onda ilonga oshilongwa. Otundji tu na oongeshefa oonshona ihatu pungula. Ohatu longitha po ashike iimaliwa ayihe na ihatu ilongekidhile omathimbo omadhigu ngangaka,” ta ti ngaaka.
“Engambeko lyomainyengo gaantu olya guma ongeshefa yandje oshoka ookastoma dhandje odhindji aantu mboka haya zi poofaalama dhopopepi. Ethimbo ndyoka, aantu inaya kala yah ala okulanda mepandaanda. Oya kala nokuhogolola mpoka yah ala okulanda iikulya omolwa omukithi, opwa kala pen a omasiku ihaandi mono nande osha,” osho Sarah Montzinger ngoka ha landitha iikulya ta ti ngaaka.
Montzinger okwa li wo a tsu aanangeshefa aakwawo aashona mondoolopa kaaya sholole. Jacob Christian, ngoka ha landitha iikwamboga mepandaanda okwa ti oya li ya pata oshoka kape na iiyemo. Kanda li tandi vulu okupalutha ofamili yandje osho wo okufuta ooliekeninga dhandje dhimwe. Ta ti oya li haya vulu okumona mo N$ 250 mesiku mkanga oCovid ya li inaayi iteyela moshilongo. Ashike okwa ti kutya sho omangambeko ga kuthwa po ngashiingeyi oya Tameka ishewe okumona m osha shomondjato. - Nampa