Oombahu dha iteyele mOndulunomongwa
Mwene gwomukunda Ondulunomongwa, mos h i k a n d j o h o g o l o l o shUuvudhiya Anna Hango ota indile Uuministeli wuunapya nuunimuna opo wu ka pombele omukunda gwawo, sho gwa ponokelwa koombahu.
Oombahu dhoka dhi li mumwe nomapathipathi, taga lopotwa ga ponokele nokuhanagula uunamapya moshitopolwa shaZambezi oshiwike sha zi ko, oge li natango momukunda Ondulu nomomgwa moshitopolwa shaShana.
Omapathipathi ngoka oga li, ga ende nokunambela momukunda moka kehulilo lyomwedhi gwaJuli nuumvo.
“Omapathipathi ngoka oga li ga ende ombinga yimwe yomukunda, e taga nambele pevi. Oga li ogendji noonkondo, gamwe oga li ga tuka po omanga gamwe ngoka ga li ga loloka ga sile mpoka” Hango ta ti ngaaka.
Ta ti: “sigo onena ohatu mono omapathithi momukunda gwetu, oondima odhi li po pepi.” Hango ta ti oye na uumbanda okulima omapya ge wo, oshoka otaya ihepitha, iilya otayi ka lika
po komapathipathi. “Otatu indile uuministeli
wuunamapya nuuniimuna wu tu kwathele opo wuye wu pombele omukunda gwetu omanga kuyele. Otwa li twa lombwelwa kutya oombahu dhoka dhali dha tuka po, odha li dha thigipo omayi ngoka ga tenduka,” Hango a popi ngaaka.
Hango ta ti, omapathipathi oganika oshiponga oshoka ngele oga iteyele mepya lyomuntu, ka yena sho taya likola mo.
Okwa popi ta ti okwa ninga ethimbo nuule ta ningi omayindilo ngaka, ihe natango oye li metegelelelo.
“Onda popya nayo Omaandaha, ihe oya yamukula ndje kutya otaye ya. Ihe shika osha pumbwa okukandulwa po omanga ku yele,” Hango ta popi ngaaka.
Mwene gwomukunda okwa ti, omapathipathi ngoka olwo lwotango taga ende mo momukunda gwawo, ohega uvile ashike kokule.