Omukadinaale Pell a galukile ishewe koRome konima sho a mangululwa moshipotha shomahepeko gopaihulo
Omukwangeleka omukuluntu gwaAustralia omukadinaale George Pell okwa galukila koRome mEtiyali oshikando shotango konima sho a li inaa monika ondjo miipotha yomahepeko gopaihulo, nokonima ashike sho gumwe ngoka e li ompinge naye moVatican a li a tidhwa mo. Pell, 79, ngoka a li omupunguli gwiiniwe ngoka a li a ulikwa komupapa Francis a ukililithe omayalulo giimaliwa yoVatican, okwa li a ningi uule womvula mondholongo omanga iipotha ye inaayi talululwa noku ekelwahi muApilili kompangu yopombanda yaAsutralia.
Olo lwotango ta ka galukila moRome nkene a zile mom o 2017 a ka taalele iipotha yokuponokela uumati wongundu yolwiimbo u li uwali moomvula dho 90 nasha. Elalakano lyolweendo lwe nduka inali tseyika nawa natango. Kuume kaPell, Katrina Lee, omugandjimayele omukuluntu mongerki yaKatoolika yaSydney, okwa li a lombwele AFP kutya ota kay a koItaly mEtiyali molweendo lwopaumwene.
“Okwa kala aluhe ha t iota ka galukila koRome ethimbo limwe.,” ta lombwele oshikundaneki sho-AFP ngaaka. Sho a pulwa ngele oku shi elalakano lyolweendo nduka, Lee okwa ti ke shi shi thiluthilu, ashike nando okwa li e li shi ngeno ken a
uuthemba woku shi popya mo.
Omasiku ga zi ko, omukwangerki omukuluntu Angelo Beccui okwa li a tidhwa mo kOmupapa Francis sha landula sho pen a omapopyo kutya okwa yaka iimaliwa osho wo e na uundikushi.
Becciu, 72, nayakwawo yahamano otashi vulika ya ka patululilwe iipotha yin a sha nokulunga nokwiitapula, shi ikwatelela koshikundaneki shoRepubblica Daily.
Francis okwa li a ningi etokolo lya kumitha aantu oyendji sho a li a pula Becciu a ikuthe miilonga, osho wo oku mu kutha oonkondo dhilwe. - Nampa/AFP