Omulumentu (30) a kwata okamwayina koonkondo
Okanona komimvo omugoyi okakwatwa koonkondo komu mwayinagona gwomimvo 30 momukunda Uukwalumbe moshitopolwa shaMusati.
Omukuluntu gwopolisi moshitopolwa moka Titus Shikongo okwa ti, oshiningwnima shoka osha holoka Olyomakaya ya zi ko, potundi inayi shiwika nawa mOkahao.
“Okanona hoka oka li ka kwatwa koonkondo ethimbo kali ka tumwa koondingosho dho pomukunda kaanegumbo yaandjawo. Mondjila okugalukako oka li ka kwatwa komulumentu ngoka, ete ka hilile momwidhi moka alongele iilonga mbyoka,”Shikongo ta ti ngaaka.
Otaku hokololwa kutya oyapambatha, aamwayinagona ihe ohaya zi momagumbo ga yooloka. Omulumentu ngoka okwamangwapo kopolisi nomakonakono oge li metifa,
Moshiningwanima inaashifathana, Henock elias (30) okwa dhipagwa komumwayinamati Etitano lya zi ko, momukunda Ongatudhiya moshitopolwa shaMusati. “Aamati mboka aamwayinathana anuwa okwa li ya zi kookamba mokati kuusiku. Oya li yatameke okunyenyeta, naashoka sha eta omanyenyeto inashi shiwika,” Shikongo a popi ngaaka. Ta hokola ta ti, naku sa okwa li atsu omumwayinamati nombele yokapi.
Omufekelwa moshiningwanima shika, okwa li ayakulako ombele ndjoka, eta tsu mumwayina montulu, komapepe ,metundji oshowo moshinena sigo ome so.
Omulumentu ngoka okwa mangwapo nomakonakono gwopolisi oge li metifa.
Omukulukadhi gwomimvo (44) okwa yugwa iimaliwa yithike N$ 16 700 kaafuthi Omandaaha gwoshiwike shika mOngwediva.
Omupopoliko gwopolisi moshitopolwa shaShanathomasAiyambookwati,oshiningwanima shoka osha holoka ethimbo lyongula lwopotundi 10h00. Otaku hokololwa kutya, omukiintu ngoka okwali anana iimaliwa N$ 16 300 meni lyombaanga yoStandard poMarula mall mOngwediva, eta nana natango N$ 400 kondje.
“Mondjila ye okuya komatala gaNgwediva moka halongele, okwa li atsakanekwa komulumentu gumwe, ete muyakula okandjato hoka kali kena iimaliwa ayihe, eta tondokele mokauto koToyota Corolla,” Aiyambo a hokolola. Aiyambo okwati, anuwa omukiintu ngoka ngele okwa tsakaneke omulumentu ngoka, ota vulu okumudhimbulula.
Opolisi otayi tsikile okukumagidha aakwashigwana, kaaya nane we iimaliwa oyindji koomuma. Aafuthi oyena omakwatathano naamboka taya longo niimaliwameni lyoombanga. Iiningwanima yoludhi ndoka oyaningi ethimbo tayi dhana onkandangala, unene moshitopolwa shaShana, onkene oshigwana nashi kale aluhe sha kotoka, una ya humbata iimaliwa oyindji.