Oomukiintu mukardinaale a mangwa po sho a futwa o€500,000
VATICAN City – Opolisi hayi ungaunga niimaliwa moItaly mEtiyali oya manga po omukiintu moMilan ngoka a futwa etata lyomiliona miimaliwa yooEuro koVatican ya futwa momayalulilo ge gopambaanga ge li mo Slovenia, osho oolopota dhiikundaneki yomoshilongo ya shanga ngaaka. Cecilia Marogna okwa li a mangwa po a adhika kegumbo lyakuume ke moshilando shika shokuumbangalantu sho a li a kongelwa omukanda gwoku mu manga koInterpol ngaashi sha pulwa koshilando oshiyapuki, oshikundaneki shoCorriere della Sera osho sha lopota ngaaka kepandja lyokomalungula.
Omukiintu nguka gwomimvo 39 ngoka taku tiwa ‘omukiintu gwomukardinale nenge omukiintu gwoomiliona eeEuro 500 000 kaatoolinkundana. Iifuta mbiika oya futwa anuwa Marogna anuwa oya za kOmukardinale Angelo Becciu, ngoka a li a kuthwa ponkatu ye yiilonga kOmupapa Francis omwedhi gwa za ko shon taku tiwa okwa longitha iikmaliwa pambambo.
Sho a holoka komeho gaatoolinkundana kuyel e muKotomba a zala omakende omaluudhe, Marogna okwa ti iimaliwa mbyoka oyofuto sho a li a li omupotokononi ngoka a hupitha aapristeli mboka ya li ya kwatwa ombambyona muAfica nomuAsia.
Moonkundathana dha yooloka niikundaneki, okwa li a koleke kutya omwaalu gwooEuro 500 000 ogwa li gwa futwa mokamapani ye yi li moLjubljana yedhina Logsic. Ngaashi omunamimvo 72 Becciu, Marogna okwa yambukile koSardinia. Omukardinala okwa li a pitike iifuta mbika omanga a li omutiyalikuluntu moVatican
Secretariat of State, ndjoka oyo hayi pungula iigandjwa yongerki.
“Inandi yaka nandoo Euro yimwe,” Cecilia Marogna osho a lombwele iikundaneki ngaaka kombinga yiifuta mbika ya li ya ningwa miipambu.
“Nokuli, ondi na omukanda gwa za komukadinaale ngoka gwa pa ndje uuthemba ndi ye molweendo ndi kwathele ongeleka miitopolwa iidhigu,” ta ti ngaaka, ta ti oku shi oondaadhi oonkuluntu moItaly. Okwa lombwele Corriere della Sera kutya ye ke shi ohonda ya Becciu, ta iyithana kutya ye omutseyinawa gwiikwapolitika osho wo ondaadhi onene noku na omakwatathano moAfrica nOmuuzilo Wopokati okugamena aakalelipo yoVatican kondje yoshilongo.
Iikundaneki yontumba moItaly oya li ya taamba ko omakutu gen a uukwatya nuuyelele woakaunta yombaanga yokampani yaMarogna.Oprogramayokuninga omakonaakono koTV yoLe lene oya ulika yamwe taya longitha iimaliwa ya adha poomiliona ooEuro 200 000 kiinima yondilo, mwa kwatelwa oshipundi sheshofa sha kotha ooEuro 12 000.
“Ondi wete ndi na uuthemba woku ilandela oshipundi shoka konima yiilonga ayihe mbyoka!’ Marogna ta ti, ye ta gwedha ko kutya ye okwa iyadha ashike pokuma sho moVatican mu na ekondjelo lyoonkondo.