Omahepeko ovanhu moKenya kofitola ya dja koUK kae shi kulididimikilwa
Ehangano leemaalaka ledina Tesco ola lombwela oshifo kundaneki shoBBC kutya otali tameke okuninga omakonaakono moiningwanima yokoKakuzi, oko vati ovanailonga muimwe yomeefitola dalo tava denge noku monifa oshiwana oixuna.
“Ehepeko lovanhu loludi keshe kali na nande efiku li tambulwe ko meefitola detu. Ohatu longwele kumwe nehangano loEthical Trading Initiative (ETI), oku ninga omakonaakono noku fya oshisho kutya okwa katukwa eenghatu da wana nodi li mondjila oku amena ovanailonga noshiwana osho tava longo nasho,” Tesco ta ti.
Ehangalo lovashiviveta ledina Legal firm Leigh Day ota tula mo nale oshibofa, leshi ningila koLondon, la hala opo ovakenya veli 79 va futwe kehangano lili moUK ledina Camellia olo olo tali lele eeefitola doKakuzi.
Camellia ye okwa fikama moshitwa opo kutya ye kena oufemba woku longa novanailongo moKenya ashike ngeenge ope monika kutya ope na epuko lonhumba, ovakayuli nyanga nava longwe navo
Ehangano lomoUK otali ti oshitai shalo moKakuzi shaKenya, ota shi ningi omakonaakono a kwata moiti omahepeko taa shololola omwenyo.
Daniel Leader, omushiviveta a kalela po ovanamukunda okwa lombwela oBBC kutya, ovo va nyonenwa oufemba wavo, ovakalimo vomomikunda kopeefaalama dili popepi noKakuzi.
“Okudja mo1997, ovakwashiwana ovo ova kala noku hepekwa kovapashukili vomaliko moKakuzi na fiyo opopa opa lopotwa oibofa ili 79.
“Ohatu popi oshiningwanima shokamatyona ka dengwa noiti fiyo omefyo noiti molwa ashike eshi ka vaka oshiimati shoavocado, omakwatonghona 10, a kwatela mo lokaana komido 16, nosho yo omadengo nomaehamako ovanhu vakapu –ovalumenhu, ovakainhu nounona.
Ta ti, ovakwashiwana kavena nghee, itava dulu oku yanda ponhele opo shaashi ove ha oku pita po ngee tava i kofikola, koshipangelo nosho yo kopate.
Ngeenge oibofa yololudi olo ya twalwa momhangu koLondon ohai kala in na omakonaakono mahapu nomapulaapulo a kwata moiti noshi kwata omido dihapu opo i ye pexulilo.