A kokololwa eekilomeka 13 kohauto
OMULUMENHU omunamido 50 okwa xulifa konima eshi vati a kokololwa kohauto oshinano shoule weekilometa 13 komukunda Otjinoko moshikandjohoololo shaOtjinene moshitukulwa shaMaheke.
Olopota yopolifi otai ti oshiningwanima eshi osha ningwa Etitano loshivike sha dja ko keengulasha lwopotundi 03h00, pefimbo olo omulumenhu ou a ka ninga oshihakanwa a li ta ende ta diilile keekamba, e li koshi yodungo.
Otaku dilaadi lwa kutya omulumenhu ou okwa kofela ponghulo yopate ile mopate mwoovene nomhadi aye oya pitulwa po nokukanyatela mohauto oyo y ali tai piti po tai shingwa okudilila kOtjinoko. Omushingi okwa kala ashike ta shingi nokuhe shi shi kutya ota kokolola omunhu, oo oikutu yaye ngaashi omumbulukweya, okambulukweva kokoshi ya enda tai duka mo noya hangwa peenhele da yooloka modjila.
Nakufya okwe ke lituwa a fya popepi nonhele yedina Dam 3.
“Otuwa nomushingi oya ka landulwa ashike omushingi ka li e na eshiivo loshinima osho shaashi ina uda kutya okwa fa e na e shi a lyata, ile okwa fa ta kokolola sha,” olopota yopolifi tai ti. Omushangwa wopolifi tau ti okwa kufwa ouyelele poshiponga nokotuwa oo tau ka konaakonwa kokukwashilipalekwe kutya omushingi oo oye tuu shili a kokolola omulumenhu oo. Oshihatu osha kwatwa po notashi penaukwa nokuningilwa omakonaakono –she likolelela kouyelele wopolifi.
Nakufya okwa didilikwa kutya oye Fares Kanguatjivi novakwanedimo laye ova shivifilwa nale efyo eli. Kape nande omunhu umwe a kwatwa po shi nasha noshiningwanima eshi, nomakonaakono opolifi otaa twikile.