Uutoni a pula Rundu Town Council a xulife po okulongifa omapulangunga
Ominista yeedoolopa neyambulepo loitukulwa yokomikandi Erastus Uutoni okwa yandja elombwelo kelelo lodoolopa yaRundu (RTC) opo li xulife po eudafano olo ve na nehangano lokupula eengunga ledina Red Force Debt Management ta ti elelo inali mona epitiko kuministaopokulongifweehangano olo. RTC okwa li a ninga eudafano nehangano epulangunga opo li ninge omapekaapeko noku pula ko oikolo koiputudilo yepangelo oyo ihai futu eengunga dayo kelelo, odo da kwatela mo omeva noishoshela.
Momutumba oo a ninga nelelo lodoolopaololilikoshiyomutonateli walo, Sebastian Kantema, mEtitatu Uutuni okwa ti eudafano olo nali xulifwe po shaashi ina li ningwa nepitikilo la dja kombelewa yaye loo vali inali monika komuvaluli ndjayi oo oye ha ha yandje omayele kepangelo moinima ya pamba omavalulo oimaliwa. Uutoni ta pula elelo li tule nawa ombelewa yalo melandulafano lo li ete po omilandu domakwatafano lili nawa pokati kalo novayakulwa valo, mwa kwatelwa oiputudilo yepangelo, omahangano nosho yo ovakalimo vomodoolopa. “Omwa hala oku ongela eengunga ashike ombelewa yeni oili mehalakano. Okulongifa omapulangunga otaku etele ashike ovakwashiwana oudju, hano itatu dulu okulongifa oinima oyo tai eta epiyaano nehalakano,” minister tati. Ta yandje omayele kelelo opo li ye po nomikalo dimwe doku eta po oshimaliwa ndele haku kala ashike la tala moimaliwa yoishoshela oyo hai futwa kovakalimo modoolopa. Elelolo laRundu Town Council ola ya meudafano lomido ngatu nehangano epulangunga opo li dule oku ongela oikolo yeemiliona yoN$200 oyo inai futwa kovayakulwa valo.
Oo ta kwafele mombelewa yomukulunhu welelo loRTC, Sam Nekaro okwa lombwela oshikundaneki shoNampa kutya okwali kwa ningwa omutumba noilyo yelelo lodoolopa opo ku kongwe ehangano loku hada eengunga opo kwoongelwe oshimaliwa osho inashi futwa kovayakulwa.
–Nampa