Ookansela yamwe kaye na owino nontseyo: Geingob
OMUPRESIDENTE gwoSwapo Hage Geingob okwa li a ti ookansela yawo yamwe mboka ya pewa oshinakugwanithwa shuuleli kaye na uunongo osho wo elongo opo ya gwanithe po oompumbwe dhaakwashigwana.Geingob ndhika okwa li e dhi thamuna sho a li a patulula ehwahwameko lyongundu sho tayi ilongekidhile omahogololo gaNovemba.
Okwa ti ongundu oya li ya kanitha omawi momahogololo gopaupresidente mo2019 osho wo gomutumba gwopashigwana, noya li ya kundathana noya dhimbulula kutya ookansela yawo yamwe kaye na uunongo nelongo opo ya vule okugandja omakwatho koshigwana.
“Sha landula sho twa li twa tala noku ipula omapulo, otwa tula po omikalo dho ku ipukulula opo tu kwathele ookansela yetu ya gandje omayakulo koshigwana,” Geingob ta ti ngaaka. Ta ti momahogololo gomongundu, , okwa li kwa shilipalekwa kutya ookandidate aagundjuka oya li ya hogololwa oyo ya ka kalele po ongundu momahogololo gaNovemba noya tegelelwa ya ka gandje omayakulo pwaa na omayipopilo.
“Onkenempakaotandikuthaompito opo ndi pandule amushangandjayi gwongundu, aakwatakani t hi yomiitopolwa osho wo aantu yalwe sho ya longo nuudhiginini mpaka. Otandi pendula wo ookansela mboka taya thigi po iilonga sho ya longo nuudhiginini muule woomvula ntano dha za ko.
“Kaamboka inaamu za mo momahoigololo, halyo ehulilo lyuuyuni,” Geingob ta tio ngaaka.
Ta ti kutya oongundu dhimwe ndhoka dha li dhi wete dhi na ookandidate dhaanyasha odha dhengwa pomutima shod ha mono kutya oSwapo oyo nani yin a aanyasha oyendji onga ookandidate. Omupevipresidente gwoSwapo, Netumbo Nandi-Ndaitwah, ngoka a li wo a popi poshiindingili osho tuu shoka, okwa li a ti ongundu oya tula po omisindalandu okuwilika ookansela mboka taya ka hogololwa opo ya tule omilandu dhongundu miilonga.