Red Cross a dimbuluka omwedi woukoshoki
Ehangano loNamibia Red Cross Society (NRCS) ola dimbuluka omwedi woukoshoki mounyuni oo oshivike eshi wa dimbulukiwa moWindhoek koshi yoshipalanyolo ‘Oukoshoki weenyala waaveshe’.
Osheetwapo eshi shoukoshoki weenyala daaveshe oshililwe komesho kehangano louhaku mounyuni loWHO nokoshikefa shounona shoUNICEF. Oshipalanyolo osho osha etwa po nelalakano okutula moilonga omalalakano a WHO opo ovanhu mounyuni va kale ve na oukoshoki weenyala opo ku kelelwe noku kandekwe etandavelo loCovid-19, noku xumifa komesho omalihumbato a nyika oukolele taa kalelele.
Omukulunhu woNRCS Dr. Nkosi Musulwe momushangwa oo a tuma koikundaneki okwa twa omukumo ovanhu ovo hava landifa oikulya komalukanda aaveshe nosho yo oshiwana ashishe opo shi litule mo moku kaleka po oukoshoki.
“Oshinyangadalwa otashi lalakanene oku kaleka po oukoshoki, okukaleka po oiwapalekifi, nosho yo oku twa oshiwana omukumo opo shi li tule mo moukoshoki.
Oshinyangadalwa osha hala yoo oku kaleka po oukoshoki waaveshe oku pitila momalihumbato, melongo nosho moilonga oyo tai pendula omadilaadilo nomalihumbato mawa ovanhu,” Musulwe ta ti.
Ta weda po ta ti omwedi wokukaleka po oukoshoki owe uya pefimbo limwe nedimbuluko lekosho leenyala mounyuni olo hali dimbulukiwa momafiku 15 Kotoba omudo keshe, olo tali lalakanene oku li kosha keenya nofwa opo ku keelelwe omuikufi dolutapo.
Neudo oku na oshinyangadalwa mounyuni aushe osho tashi pula opo oilongu yuuye po neemhangela dayo dopashiwana odo di na oku kwatela mo oku Ii kosha keenyala ok otaku kala nokunima yetukuku lombuto yoCovid-19, ko ku fiwe oshisho kutya oukoshoki otau kalelelele.
“Ngaashi naanaa twa taalelwa koshikumungu shoCovid-19 pefimbo apa, ohatu findile mo omhumbwe yokuli kosha keenyala nofewa nomeva efimbo keshe opo ku keelelwe etandavelo lombuto ei yoCovid-19,” Musulwe ta ti. –Nampa