Okaana ka fila mokafleta
Okaana keedula nhatu oka xulifa keengulasha dEtitatu, konima eshi ondunda yoku hiila omo kali haka di naxe oo e na omido 29, ka kwata omundilo.
Omushangwa woimbuluma oo wa pitifwa komukwatakanifi woimbuluma moshitukulwa shErongo Erastus Ikuiyu otau ti, oshiningwanima eshi sha ningilwa moSwakopmund molukanda laMondesa oshe li tuwa kovapolifi ovo vali ashike tava piti po. “Ovapolifi ova uda omunhu eli meni ta kuu, ye ta kendabala okuteya po omuvelo oo wali wa patwa ashike okwa nyengwa. Ova polifi ova ondelala ndele tava kufa opaipi yomava yoshimoko, ndele tave i pitifa mekekende noku shashamina omeva monduda. Ookadima omudndulo va muni navo iva fika yoo poshiponga opo noku dima omundilo oo noku dima omundilo,” omushangwa tau ti.
“Ovo va ningwa oihakanwa yomundilo ova kufwa mo mokaflata, noku twalwa kouxupilo, ashike, okaana kokamati kedina Blessing Renzo Gariseb ko oka xulifila poshiponga. Oshimhu shako osha twalwa kokila koSwakopmund manga omakonaakono taa ningwa. Xe oo a xupa moshiponga eshi ye okwa twalwa koshipangelo koSwakopmund State Hospital opo a ka mone omakwafo opauhaku. Fiyo papa ina ku monika kutya oshikwashike sha etifa omundilo oo Moshiningwanima shikwao inashi faanana naasho, ovalumenhu vane ova xupa shikumwifa moshiponga eshi ololi omo vali a funyuka noku wila komunghulo wefutal. Ava otaku kokolowa vali tava di koSwakopmund va yuka ko Walvis Bay from Swakopmund eshi omu shingi a ngengwa oku pangela osheendifo ndele tashi fiye poo pate.
Ololi oyo yehangano laBuild-It vati okwali tai ka yelula eeshako deesameende neepala eshi etati lokolulyo lololi la teka. Omushingi oo e na omido 72 okwa mona oshiponga monhulo omanga ovatwaalelwa vaye ovo aveshe ovanyasha va ehama oupulu velume. Ongushu yoinima oyo ya li mololi fiyo opapa ina i popiwa, nomakonaakono opolifi moshinima omu otaa twakile. -Nampa