Olembe a ningi omukwatakanithi gwongundu yoNYC mOshikoto

MartinAntindi,atseyikanawanedhinaConfidentOlembe, okwa ulikwa onga omunashapundi gwoshitopolwa shaShikoto moshigongi oshinene shoshitopolwa sha ningilwe momasiku 23 gaKotomba nuumvo kOmuthiya.

Olembe okwa tseyika nawa moshitopolwa shaShikoto, onga omukwateli komeho nomuhwahwameki gwiinyangadhala ya yooloka moshitopolwa shaShikoto.

Ta ti, omimvo ntano dha piti, okwa kala omunashapundi gwoshikandjohogololo shOnayena, a kala ta longekidha nokukwatela komeho inyangadhalwa ayihe tayi holoka mOnayena. “Elalakano lyandje lyokukutha ombinga nokuninga oshilyo moshikando shaanyasha, National Youth Council” (NYC) , ondi na ohokwe yo kutopolelatthana naanyasha aakwetu omadhiladhilo taga tungu notaga humitha komeho oonkalamwenyo dhaanyasha,” Olembe a popi ngaaka. Ta ti, ota kumagidha aanyasha ayehe ya kotoke, yo yalongekidhe oonkalamwenyo dhawo, ya tala onakuyiwa ya wo, yo ya tameka okuya po niilonga yoku yo yene, opo yam one iiyemo kuyo yene. Taku magidha ta ti, aanyasha inaya tegelela we epangelo lyi yape peke, ihe naya longe kuyo yene.

“Ndika olyo ethimbo lyomondjila, lyaanyasha yomoshitopolwa shaShikoto ya huleko oongaku etaya tameke okulonga, ya dhiginina yo ya ulike kutya otaya vulu okulonga shili,” Olembe ta ti.

Olembe ta ti, omanga inaa idhopa mongundu yaashanyanya moshitopolwa shaShikoto, okwa li omukuluntu gwomuhandjo posikola yopombanda uukule omivo hamano, omanga natango ali amushanga gwelelo lyosikola. “Onda hala okugandja ethano ewanawa oshowo okukumagidha aanyasha okuthaneka oonkalamwenyo dhawo moshitopolwa shaShikoto,” Olembe a popi ngaaka.

Martin Antindi a tseyika nawa Olembe omukwatakanithi gwongundu yo-NYC mOshikoto.