Yaali ya pewa egeelo lyeso moMali
Iiponokela yuukulo oya tukuka moMali okuza mo2012
Ompangu moMali oya pa aalumentu yaali egeelo lyeso molwa iiponokela mbyoka ya li tayi ningilwa aakwiilongo moshilandopangelo mo2015. Aantu ya adha po25 oya li ya si sho aalumentu ya homata iifufuta ya li yi itele mokalaba moBamako muMaalitsa omvula ndjoka osho wo mohotela yedhina Radisson Blu muNovemba.
Gumwe gwomwaamboka okwa li a lombwele ompangu kutya okwa nyanyukilwa ekuthombinga miiponokela mbyoka aatsindumbo nepangelo ya li ya ti oo ye yi ninga. Halundji moshilongo muka hamu pangulwa iikulo, nangashiingeyi otashi kondjitha oongundu dhaaitaali yoshislam mboka ya kala nokuninga iiponokela okuza mo2012. Aakwiita yaFrance oya kala nokukwathela etanga lyegameno lyaMali, ashike epangelo inali shi pondola okukala tali kondolola oshilongo ashihe. Fawaz Ould Ahmeida, Omumauritania, okwa ti okwa li a ponokele okalaba yedhina La Terrasse molwonkone e nine oshikundaneki shaFrance shedhina Charlie Hebdo sho sha li sha ulike uuthano wOmuprofeti Muhammad.
Aamali yatatu, Omufrance nOmubelgium gumwe oya li ya dhipagwa moshiponokela shoka. Sadou Chaka, Omumali naye okwa li wo a pewa egeelo lyeso molwonkandangala ye moshiponokela shika. Ahmeida okwa li wo kwa tiwa okwa li a ningi ompangela yoshiponokela shomoRadison Blu.
Aalumentu yaali ya homata oondjembo oya li ya kwata aantu 170 ombambyona mohotela uule woowili omugoyi, ya dhipaga aantu ya adha po 20 manga omatanga gegameno inaage ya.
Aamali omugoyi , Aarus i a yosheendo shoondhila, Aachina aakuluntu momatungo, omunapolitika Omubelgium osho wo omuniilonga gokugandja omakwatho Omuamerica oya li ya dhipagwa. Ompangulilo moSomalia oya li wo ya pe omulumentu Omukenya egeelo lyeso shin a sha nekwatatahano lye nongundu yuukulo yoIsis.
Ompangu oya ti Aden Mohamed, ngokaavalelwamoWajirshaKenya,okwa li a lwile ongundu yuukulo yomoSomalia ndjoka yin a ekwatatahano noIS mo2017 nokwa li a mangwa po nuumvo. Okwa li a mangwa po pamwe naakwashogwana yaali yaSomalia shin a sha niiponokela yomoshitopolwa shaPuntland. Abshir Mohamed okwa li a pewa egeelo lyeso, omanga Mohamud Shiniyow a pewa egeelo lyoomvula 20. Mbaka yatatu oye na uuthemba wokuninga eindilo lyomatalululo gomageelo gawo.
Aakenya aagundjuka okwa lopotwa ya taaguluka oongamba oku ka wayimna ongundu yuukulo moSomalia. Iilongo ayihe oya li ya ningilwa iiponokela monakuziwa kongundu yuukulo yo al-Shabab.
-BBC