Ozondjuwo ku mbeha yenene itjimwe o AR kumaiyandja ombango nomasa

OtjOmuise- Otjihuro tja tjomuise katjitjiri tjo rukwao kombunda yo ma toororero wotjihuro ngeri mu tjikukutu tjiyeri 25 otjimbumba tjo Affirmative Repositioning (AR) tji tja kambura ounane wotji huro ihi.

Oritjatatu otjimbumba ihi otji tja tjiukisire ndu ma rwiisana Otjondanaukiro ya tjomuise Otjimbwandangoma. Wina otjo tja tjiukisire ovakekwa vatjo otjo zorata zo tjihuro. Ongunde yo zo ndanaukiro otjo tji ma tjitja matjiyeta ozondjuwo zombiriha kehi yembo ehongonekwa ndimaritja “ehi kova hinahi.” matjitja ozondjuwo motjihuro tja tjomuise tja ririsiwa otjina otjirandisiwa poo otjirandwa pendje no kutja ondjuwo oruhepo. munao ozondjuwo otjeri otjina uriri tjaimba mbena otjimariva poo oo vaninamuseka. tjingetjo wina omaturisiro wovandu motjihuro otjina tji tji kayendera kotjivara poo ongurameno yomundu ko ma nyikorero wovyungurwa. Pu ma pe hee kutja ovatumbe veturira mo ma turiro ingo oo kaunyinga nyinga ngunda imbotjihupe nu mberi ovengi motjivarero ave turira mo ma turiro ndinondi ngeisanewa otjo wa kauriri poo ngeheri wo ko tjiveta. ihi otjina otjimbumba ihi tji tja pambarere tjinene kokutja ngunda ovatoorore ava toorora ovanane poo zoz rata zawo zotjihuro owo vemunikwa otjovature va kaurir8i poo ovehina ousemba poo ovature mouzororunga. tjitjiri otjiraisiro tjokutja omihunga vyo tjihuro ovyo ngamba vya kutwa kuna omuhinga vyo huurire. O AR maitja ozondjuwo ndetungwa motjihuro otjina uriri tjo vakorokope ovisepambindu oku munina po otjimariva. munao kehi yo ndanaukiro otjimbwandangoma ya tjomuise, owo otji va tanda ovengi nai mba paterwa pendje iyo ngaro yo ma tungiro wo zo ndjuwo motjihuro nai oyo ndji parura oo kaninamuseka uriri. Posia mondunge indji nandarire ovarandise voupana mo mi vanda, omitanda muwo mu muna ovahongwa vo zo nganda zo ma hongero wo ko mbanda, ma ve munu ombwiro. AR maitja ouzeu nai uri mo zo mbaanga ozo nÿe hayeyazemisa otjimariva komundu kauriri. munao otjo otji ma tji ripurire kombwiko yo ma yazemeno wo tjimariva iyomundu kauriri okutungisa natjo ondjuwo. Ndoovazu omundu uyenena okuranda ohauto notjimariva otjiyazema nosusuta oure wo zo mbura ndano uriri poo kehi ya nao, ozondjuwo tjingetjo pasere oku kara nao. Pendje no ku tjisusuta oure wo zo mbura ndu ma zeva 30 otja tji peri nao okuranda ondjuwo.