Aanangeshefa mOtjozondjupaya hiywa kiipindi koDubai

Aanangeshefa moshitopolwa shaOtjozondjupa mEtitano lyazi ko oyali ya pulwa opo yaka kuthe ombinga momauliko giipindi gedhina Expo 2020 Dubai taga kala ko omumvo tu uka. Omaulikilo ngoka gali ga tengenekwa andola ga kale ko nuumvo, oguundulilwa kuKotoba 2021 omolwa eshongo loCovid-19 ndjoka lya taalela uuyuni, ashike nande ongawo otaga ka kala owala nedhina ndjoka lyoExpo 2020 Dubai. Okakomitee komoshilongo hoka ke lile po iipindi, kathika ma po maanambelewa yaza kuuniniteli wiipindi, uuministeli woofaabulika neyambulopo lyoongeshefa ooshona ka kwatelwa komeho kwaangoka a li omukalelipo shilongo koAustria Simon Madjumo Maruta mEtitatano oka ningingi ehwahwameko lyako paku gandja uuyelele kaanangeshefa mOtjozondjupa, moka ka pula opo ya ka kuthe ombinga momaulikilo.

“Otwa hala muye koDubai opo mu ka landithe iilongomwa yeni, nenge muka ninge omakwatathano omawanawa gopaipindi naantu ya yooloka taya zi kiitopolwa yilwe muuyuni,” ta ti ngaaka.

Maruta ta ti mboka itaa ya vulu oku ya koDubai, ndele ove na po oindulukomwa youkwatya wa pumba nave i tume kombelewa yaye opo vekei landifilwe v ova tuminwe oimaliwa yavo ngeenge ya landwa komaulikililo opaipindi.

Ashike okwa kumagidha opo aanangeshefa ya gandje iinima mbyoka yiili, opo ya vule oku ngeshefa ethano lya Namibia kuuyuni pethimbo lyiipindi.

Omuyambidhidhi mombelewa yaMaruta MichaelMutongaokwalombwelaaanangeshefa kutya aakuthimbinga oye na oku futa yo yene omalweendo gawo goku ya koDubai nosho wo omilalo niikulya. “Ashike tse onga uuministeli otatu vulu okufuta olweendo lwiilandithomwa yoye, eta tu yi pungula sigo esiku lyomaulikilo otali thiki ta ti ngaaka.

Omaulikilo ngaka otaga ka kala ko okuza mesiku 01 Kotoba 2021, sigo omomasiku 31 Maalitsa 2022, nokwa tegelelwa opo ga ka mone aapindiki yaza kiiliongo 192, naatalelipo oomiliona 25.

Ndivhuho Moyo, gumwe gwomaantu mboka ya kutha ombinga momaulikilo okwa lombwela oshikundaneki shoNampa kutya oku ka kutha ombinga momaulikilo moka ota ku ka kala ompito ombaanawa kaakuthimbinga, ashike otaku ka kala wo oshinima shina ondilo.

Okakomitie hoka kaza kuuministeli okwa gandja wo uuyelele wa faathana kaanangeshefa yokiitukulwa yilwe moshilongo ngaashi shaZambezi, Kavango East, Kavango West, Erongo nOmaheke Omusati, Oshana, Ohangwena nOshikoto oyo tayi landuka ko.

-Nampa