Ovapolifi votete va deulwa eemwedi 12 veshi fulula ko
OILYO yetanga lopolisi yaNamibia (NamPol) ove na oshinakuwafifwa shinene osho va teelelwa va wanife po oku hena oumbada ile oukombuda –efimbo keshe. Edi oda popiwa kominista yoikwameni, omalinyengo okeengaba ekalekepo leameno, Frans Kapofi.
Kapofi edi okwedi pokwpefimbo lodelela yoku pitifa mo ovapolifi veli 685, veendodo docadet constables kOndangwa moshitukulwa shaOshana mEtitano
Ovapolifi ava va pe ova mana omadeulo oo a kwata eemwidi 12 konhele yokudeulila ovapolifi ili mOndangwa yedina Ruben ‘Danger’ Ashipala.
Kapofi ta ti oilonga yopolifi oku kaleka po eameno meni leengaba daNamibia, oku kaleka po oveta nelandulafanookukonaakonaoibofayoikolokosha, youlingili keshe, oku keelela oulingilingi nosh yo okwaanena eemwenyo nomaliko moshilongo. Minista okwa kumaida oilyo aishe yoNamPol opo i kale ngaashi naanaa sha teelelwa koshiwana, ashike okwe va kumaida yoo kutya inava tela oudila tava kofa shaashi otave ke li hanga tava lu ondede noku ha longa oilonga yavo. “Nandi twe omufindo apa kutya oku nyamukula keemhumbwe dovakwashiwana naku kale oko oshitwa shopokati,” Kapofi ta lombwele ovapolifi va pe.
Te va kumaida ta ti, otava ka wanifa po ashike oilonga yavo ngaashi sha teelelwa ngeenge ova kala ve na ekwatafano liwa noshiwana osho tava longele mokati kasho.
Kapofi ta takele yoo ovapolifi omunwe ta ti ovo tava ka longela kumwe nookalyamupombo kave na mo nhele metanga lopolifi yaNamibia. Kakukutu komatanga opolifi Inspector-General, Lieutenant-General Sebastian Ndeitunga oo naye a popya pefimbo loshiindingili osho okwa ti oku dja momudo 2014, ovakulunhu metanga laya ova twa omitwe kumwe, noku talulula omadaulo opolifi mwa katelwa oilongwa oyo hai yandjwa pefimbo lomadeulo.
“Momudo 2018 omukokomoko womadeulo opetameko owa lundululwa oku dja peemwedi hamano ndele tau ningi eemwedi 12,” Ndeitunga ta ti. Ta ti, ovapolifi vape ovo odelela yavo yoku pita mo ya ningwa mEtitano ove li ongudu yotete tai deule oule fimbo weemwedi dili 12 moNamibia.
Oshinima eshi shipe osha ningwa nelalakano oku xwepopeka omayakulo koshiwana, noku ninga oshiputudilo shoNamPol osho dingi momadeulo nomomayakulo oshiwana.
–Nampa