Australia ina lopota oshibofa shoCovid-19 meemwedi nhano
Australia ina lopota nande oshibofa shimwe shoCovid-19 lwotete moule weemwedi nhano okudja nghee omukifi ou weli teela ounyuni wa lopotwa moshilongo naashi osha eta opo oshiongo shi kufe po eendjidikila dimwe.
Oshituukulwa shaVictoria, omo omo mwa lopotwa konyala eepelesenda 90 dovanhu va kwatwa komuto e moAustralia nomfyo 907, mongaha ina mu monika nande omunhu umwe e na embuto ile a fya komukifi oo.
“Oh atu pandula unene ovanashilonga voundjolowele, naunene Ovaaustralia,” oshi ominista youndjolowele ya nyola komalungula.
Moshilongo omo omwa kala mwa tulwa omalandulafano a nyaa keonga peenhele adishe doshiwana moAustralia alishe.
Victoria okwa patuluka oshikando shotete konima oshivike shadjako konima yomafiku 111 naashi oshi li oshitukulwa shimwe mounyuni shomwaayo ya kala ya pata efimbo lile neenghono. Omukulunhu woshikondo shoukolele moVictoria Chief Health Officer Brett Sutton okwa kumaida oshiwana kutya eendjidikila oda kufwa po ashike oshiwana nashikale sha lungama shaashi natango ombuto otai dulu oku aluka.
“Otashi tilifa no inatu hala nande tuli hange monghalo ngaashi yaFrance omo ovanhu veli 50, tava monika ombuto mefiku limwe, ile Belgium oo ta tumu ovanhu kondje yoshilongo shaashi oipangelo oya yanda neenghono novanhu kena opo tava yakulile –nafye otashi dulika ngeno tweli hanga monghalo yatya ngaho ngeno okali ina tu kufya eenghatu meendelelo.
Australia okwa lopota ashike ovanhu veli 27,500 va kwatwa kombuto okudja nghee ya lopotwa lwotete moshilongo omo, nokwa li a katuka meendelelo oku pata eengaba noku lombwelea ovanhu va kalafane kokule, noshilongo osha longa noudiinini moku shikula ovo va ya mekwatafano naavo va kwatwa kombuto nosho yo oku konaakona ovanhu vahapu poshikando.
Australia mEtitano okwa kunghilila ovakwashiwana vaye opo vaha ka talele po koUS, ile koilongo oyo ina omakwatafano na US shaashi oku na omakuyinguto nomalipumo mumwe netatavelo locoronavirus oli li pombada.
MoUS endikiki lavo loCenters for Disease Control and Prevention (CDC) ola lopota molomakaya kutya ovanhu vape veli 9,024,298 kombuto novanhu 1,009 ova fya naashi osha eta omuvalu wovafi moAmerica povanhu 229,109.
– Sowetan