MoSomalia oya hala 30% yaakiintu mopaliamente
Omahangano gelile po uuthemba gwaakiintu, aakiintu aanangeshefa, noshowo aakiintu aanapolitika mo Somalia otaya pula opo oshilongo shoka shi na aalumentu oyendji taya dhana onkandangala momutumba gwopashigwana shi pitithe oveta omumvo tagu ya ndjoka tayi thiminike opo aankiintu moshilonga ya kalelwe po koopelesenda 30 dhaakiintu aakwao mopaliamente.
Mongashingeyi aakiintu owala oopelesenta 24 ye nda iipundi mokati kaantu 329 yeli mopaliamente yaSomalia. Iipundi mbika oya kwatela mo omagumbo agehe gopombanda naashika osho lopotwa kongundu yo Inter-Parliamentary Union (IPU), ndjoka ya li ya sindana oopelesenta 14 momahogololo gazi ko. Mu Juni, Egumbo lyopevi moSomalia oya li lya tititha oveta ndjoka ya pitika opo aakiintu ya kalelwe po koopelesenta 30, ashike oveta ndjoka singo opaife ina yi ziminwa no ina yi ikundwa momutumba gwopombanda.
Presidente Mohamed Abdullahi Mohamed okwali a shaina etsokumwe naakelelipo yopaitopolwa nosho wo mboka yelile po uuthemba waakiintu muSepeteba, ashike aahwahwameki yoshinima shika otaya ti shoka sha ningwa komupresidente ina shi gwana.
“Otwa hala etsokumwe nenge eitulomo ndika li kale paveta, aakiintu naya pewe iipundi yawo paveta, ina tu hala uunima mboka woku ikundwa kuukololo,”osho Deqa Abdiqasim Salad, Omukuluntuwilike wehangano lyoHear Women, ehangano lyaaha shi lyopashimaliwa tali longo oku koleka ooompito dhaakiintu papolitika moSomalia a ti. – Sowetan