‘Tse inatu yaka oshingoli’: Ofamili yaMnangwagwa ya ikanyuna
Ofamili yapresidente gwaZimbabwe oya ikaleka kokule nomapopyo kutya oya li tayi kambadhala okuyaka mo oshingolo sho 6kg moshilongo oshiwike sha za ko. Momushangwa, omunyekadhi Auxilia Mnangagwa okwa ti: “Ihandi idhopo minima myaafele yo yaa li paveta ngaashi okuyaka oshingoli.” Okwa li a thiminikwa a popye ngaaka konima sho omupresidente gwehangano lyoomina, Zimbabwe Miners Federation a li a mangwa po momasiku 26 Kotomba pokapale koondhila kaRobert Mugabe International Airport. Henrietta Rushwaya okwa li a mangwa po sho a li a kambadhala okuyaka mo oshingoli sho 6,09kg oku shi fala koDubai. Sho ya li taya kambadhala kaaya kwatw po, kuume kaRushwaya Gift Karanda okwa li a ti oshingoli oshomunyekadhi pamwe nokamwanamati Collins.
Konima sho Rushwaya a li amangwa po, omukuluntu gwegameno lyaPresidente Emmerson Mnangagwa Chenjerai Tserayi,45, Omukuluntu gwoondaadhi Raphios Mufandaunya, 37, osho wo omunangeshefa Omupakistan Ali Mohamad oya li ya mangwa po. Momushangwapitithi peha lyofamili yotango, amushanga gwomauyelele Nick Mangwana okwa ti konima yomamangopo ngaka, epangelo olyi na uuyelele kombinga yoohandimwe osho wo gumwe gomwaamboka ya mangwa pootaya longityha nayi edhina lyofamili yotango miilonga yawo yuumbudhi.
“Presidente Emmerson Mnangagwa okwa ulika kutya it aka idhidhimikila nadno uulingilingi osho wo uufuthi. OmunyekadhiAmaiAuxilliaMnangagwa okwa ikaleka mwene nofamili ye kokule naamboka taya fekelelwa eyako lyoshingoli,” omushangwapitithi tagu ti ngaaka.
Karanda okwa mangwa po nota ka patululilwa oshipotha shokuya iilonga yoveta moshipala. Opolisi yaZimbabwe oya ti Karanda okwa popi ta ti: “Kape na oshipotha oshoka oshingoli oshomunyekadhi.”
Omasiku ngaka opwa kala omapopyo ga ningwa komupanguli I ithikamena Temba Mliswa kutya Mnangangwa okwa kudhukidhwa koongangala.
“Oongangala otadhi pe president omagano. Nomupresidente omukulu Robert Mugabe, kakwa li to mu engine popepi ngaaka. Itatu vulu ashike okutya president okwa kundukidhwa koongangala, inashi gwana oku tya ngaaka. Otwa pumbwa okutumbula omadhina goongangala ndhika. Inandi tila oku dhi tumbula,” ta lombwele aatoolinkundana oshiwike sha za ko.
Aantu otaya ti Mnangagwa okwa ndopa okuhulitha po uulingilingi.