Ethiopia: Aalumentu ya homata ya dhipaga aantu ya adha po32
Aalumentu ya homata oya dhipaga aantu ya adha po32 nokutomeka omagumbo omulilo miiponokela ya ningwa muuninginino waEthiopia, aanambelewa taya ti ngaaka. Epangelo otali ti ongundu yaatsindumbo nepangelo yoOromo Liberation Army (OLA) oyo ya ninga oshiponokela shika moshitopolwa shaOramia. Aakalimo otaya ti aantu omilongo oya li ya gongelwa nokudhipagwa niimuna oya li ya yakwa po. Omuprima Abiy Ahmed okwa li a ti iiponokela otashi vulika yin a sha nuukwamuhoko. Iiponokela yuukwamuhoko oya ya pombanda okuza sho a ningi ompuroma muApiilili 2018. Omunambelewa gumwe moshitopolwa okwa li a lombwle o-BBC moshitopolwa shaGuliso kutya otashi vulika omwaalu gwaamboka ya dhipagwa gu li lela pombanda shi vulithe ngoka gwa gandjwa mongashiingeyi.
Okakomisi kuuthemba womuntu moEthiopia, Ethiopian Human Rights Commission (EHRC) oka ti aalumentu ya thika po60 ya homata nayamwe inaaya homata oya li ya kutha ombinga moshiponokela shoka sha li sha ningwa mOsoondaha. Taka ti aantu yomuhoko ngoka ogwo omutiyali muuwindji moshilongo – Amhara, oyo ya li ya ponokelwa.
Gumwe gwomwaamboka ya hupa okwa lombwele oshikundaneki sho- AFP kutya omatanga gegameno ngoka ga li moshitopolwa oga li ga yi, nokuza mpoka OLA okwa li a gongele aakwashigwana noku ya ponokela.
“Sho ye tu gongele, oya li ya patulula omundilo, nokonima oya li yay aka po oongombe dhetu nokufika omagumbo,” taya ti ngaaka.
Omuprima okwa li a tseyitha kutya aaponokeli mboka otaya ka longwa nayo paveta.
“Ondi uvite nayi kiiponokela yuukwamuhoko mbyoka tayi ningwa moEthiopia,” osho a shanga ngaaka komalungula.
MuJuni, iiponokela yuukwamuhoko oya li ya tukuka sha landula edhipago lyomwiimbi a simana gwOmuoromo Hachalu Hundessa, naambika oya thiga aantu ye vule po150 ya sa.