News in Oshiwambo
“OMADHIPAGO gaakiintu oga uka pombanda unene – onda tila,” osho omulongwapangi ngoka a pitika a futilwe osikola kukuume komiihole a holola uumbanda we.
Omunasikola koshiputudhilo shedhina I-care Health Training Institute ta ilongele uupangi mOndangwa okwa ti, oku na uumbanda oku ka ningilwa omiyonena kukuume ke komihole konima yeilongo lye, oshoka oye te mu futile osikola. Omukiintu ngoka e na omimvo 37, ngoka edhina lye itali tumbulwa omolwa egameno lye, okwa yambukile momukunda gu li mOnesi moshitopowa shaMusati.
“He yokanona kandje oye ha futile ndje osikola yandje oshowo okusila ndje oshimpwiyu nokugwanithila ndje po oompumbwe dhandje dhimwe, ihe shika osha tula ndje momalimbililo,” ta ti ngaaka.
Ta popi ta ti, otashi ulike nawa shi li pethimbo ndika, oshoka ota ya m bid hidhwa,i he iizemoy as ho, keyi shi. Ta ti, iiningwanima yi nyanyaleka tayi ningwa moshilongo muka, otayi mu shololitha nokumbandameka okuyambidhidhwa kukuume komiihole. “Oshinima shika ohashi nkundipaleke omadhiladhilo gandje, oshoka kehe esiku otashi dhingoloka momutse gwandje,” omulongwa ta ti.
Ta hokolola ta ti, kehe shimwe ohashi kandulwa po kuhe yokanona ke. “Osikola yandje ohayi futwa 1 240 komwedhi kehe, kwa gwedhwa iilongitho yosikola yilwe,” ta popi ngaaka. Omukiintu nguka okwa yelithile Kundana kutya kaye na uupyakadhi, ye iha ningilwa omatilitho kuhe yokanona ke, ihe oku na ashike uumbanda kutya omulumentu gwe ohe mu fitile unene iimaliwa oyindji notashi vulika a ka kale mondholongo yekwatathano ndika nande oku ka kale a hala oku mu thiga po.
“Otandi indile moshigwana ngele ope na ngoka ta vulu okuyambidhidha ndje, oshoka ondi wete nda fa tandi tula onkalamwenyo yandje moshiponga ndi shi wete,” omunasikola ta ti.
Okwa popi ta ti, ke na omuyambidhidhi gumwe keeshi he yokanona ke. Ta ti, okwa li ha nyangadhala, ta landitha uukwashike pendjewo, ihe ongeshefa oya hulu po oku za pepato noshimaliwa sho kutameka keshina we.
Ta ti, otaka pandula kehe ngoka teke muyambidha, opo atsikile eyilongo lye keena uumbanda.