Ku niwe uumbanda kutya 40 oya sila mefuta moMozambique
Oku niwe uumbanda nuutile kutya aantu ya adha po40 oya sila moshitopolwa shaMozambique shoka shi li kohi yiikolokosha konima sho ombautu moka ya li ya kowina, osho aanambelewa yomokantuntu hoka ya li ya tseyitha ngaaka mEtiyali.
Konyala aantu 400 000 oya li ya tauka nokuthiga po omalukalwa gawo moshitopolwa shokuumbangalantu shaCabo Delgado, shi ikwatelelela kehangano lyiikulya muuyuni lyoWorld Food Programme.
Moshitopolwa moka sho mu na ooprojeka dhohaasa dhi na ongushu yoobiliona US$60, oshitopolwa shoka oshi li oshihakanwa shaatsindumbo nepangelo yeit6aalo lyoshIslam mboka ye na ekwatathano noIslamic State noya kala nokutyakaleka mo mo2017.
Ombautu oya li ya humbata aantu 74 mboka ya li taya yi ontuku omakuyunguto sho ya li ya kowina mOsoondaha mefuta lyaIndiapokatikuuntuntuwaIbonaMatemo, kuumbangalantu ashike woshilando Pemba, hoka oyendji ya ka konga uuholamo, osho omukuluntu moshitopolwa shaIbo Issa Tarmamade a ti ngaaka mongodhi.
Okwa ti aantu 32 oya li ya hupithwa kombautu ndjoka ya adhika tayi piti po, omanga yakwawo ku niwe uumbanda kutya oya sila mo.
Omidhimba dhimwe odha monika nale, mwa kwatelwa omudhimba gwokanona gwa adhika kokantuntu kaIbo mEtiyali.
“Otatu kongo moshitopolwa… Otwa tegelela oku adha mo omidhimba komikunkulofuta dhuuntuntu mboka,” ta ti ngaaka, ta gwedha ko kutya nonando osheetithi shoshiponga inashi kolekawa natango, oku niwe eyitaalo kutya okambauto hoka okashona oka adhika ka humbata aantu ya pitilila pamwe noondongelwa dhawo.
Momukokomoko aguhe gwo2020, ongundu yiikulo oya kala nokuninga iiponokela, noya sindi omatanga gegameno gepangelo nokukwata ko oondoolopa dha simana. Iikolokosha mbika oya tembudhila aantu oyendji koPemba muule womasiku omashona muKotomba.