Ethiopia a tuma aakwiita koshitopolwa shi na omakuyunguto
Omaipumomumwe oga li ga holoka moshitopolwa shaTigray moEthiopia mEtitatu, onzo yopaunadiplomate tayi ti ngaaka, konima sho omuprima hgwaEthiopia a li a a ningi oshikonga shetanga lyopakwiita konima yiiponokela mbyoka ya li ya ningwa. MuSepetemba, Tigray okwa li a ningi omahogololo ngoka epangelo lya li lyi li ompinge nago nolya ti kage li paveta. Omaipumomumwe oga li ga hwama omasiku ngaka sho oombinga adhihe mbali dha li tadhi ilundile kutya otadhi ponokelathana.
OmuprimaAbiyAhmedokwati mEtitatu kutya ongundu yo Tigray People’s Liberation Front (TPLF) oya li ya ningi onkambadhala yokuyaka iilwitho niilongitho yilwe komatanga gopakwiita gepangelo moshitopolwa moka.
“Omusinda omutiligane gwahugunina ogwa taagulukwa sho iiponokela ya ningwa onkene epangelo olya thiminikwa lyi
tume omatanga gopakwiita,” tali ti kali na nkene oshoka olya hala oku eta ombili nengungumano moshitopolwa osho wo moshilongo.
Omupopiliko gwomuprima Billene Seyoum okwa lombwele Reuters kutya oshikonga shomilitali moTigray osha tameka, na inaa fatulula we sha.
Oonzo mbali dhaanadiplomate moAddis Ababa oya ti eipumomumwe ndika lya kidja, lya kwatela mo iilwitho yanakanena olya li lya tukuka moshitopolwa shuumbangalantu, shoka sha palathana oongamba naEritrea.
Epangelo lyopashitopolwa lyaTigray olya ti oshikondo shomilitali shoNor thern Command shoka shi li moshitopolwa osha ya kombinga yalyo, ashike Billene okwa ti ndhika odhanakalindi. Ombelewa yomuprima oya ti epangelo lyopashitopolwa olya ti epangelo olya tula po onkalo yopaulumompumbwe yuule woomwedhi hamano moTigray
notali ka tonatelwa komukuluntu gwetanga lyegameno.
Ointaneta oya li ya patwa moshitopolwa, moka oongodhi nadho wom dha li itaadhi piti,shi ikwatelela kehangano lyokugamena omakwatathano gopaintaneta lyoNetBlock. Aatigrya oya kala nokudhana onkandangala mopolitika yaEthiopia konima sho oongwelila dha li dha umbu ko epangelo lyuukayamukulwa mo1991, ashike oya enda taya kana mo mondambo kohi yaAbiy. Omvula ya za ko, TPLF oya li ya umbile mo oshifanduke mepangelo lyuukumwe.
Okuza sho Abiy a yi koshipundi mo2018, aanambelewa aakuluntu oyendji yAatigray oya mangwa po, ya tidhwa miilonga nenge ya lithwa ombepo moka epangelo tyali ti oshikonga shokukeelela uulingilingi. Aatigray oye li oopelesenda 5 dhaantu oomiliona 109 yaEthiopia, ashike oyo aayamba noye na oonkondo dhopapolitika.