Omupopiliko omukulu gwoolebele a mangwa po

THE HAGUE – Omupopiliko omukulu gwongundu yoolebele Omualbania ngoka a kala omunapolitika moKosovo okwa mangwa po, a mangelwa moPristina nokwa falwa kompangu yuuyuni koHague molwa iipotha yin a sha nuukulo osho wo iiponokela yomiita mbyoka ya li ya ningwa momakuyunguto gomoKosovo mooomvula dho1990.

“Jakup Krasniqi okwa li a mangwa po ohela nokwa falwa koKosovo Specialist Chambers (KSC) koHague,” osho ompangu ya li ya ti ngaaka mEtitatu komatango.

Krasiqi ota ka taalela iipotha yin a shaniimbulumayomiitatayiyonagula uuthemba waantu, omushangwa tagu ti ngaaka. Emangopo lya Krasniqi olya li lya ningwa sho opolisi ya homata yOngongahangano yaEurope – European Union ya li ya ponokele egumbo lye kooha dhoshilandopangelo nokukonga megumbo moka uule woowili odhindji.

Ompangu yo- KSC inayi gandja we uuyelele wa gwedhwa po nenge kutya ota ka holoka uunake lwotango mompangu. Krasniqi, 69, omunapolitika gwomoKosovo ngoka ngashiingeyi e li omunashipundi gwoNational Council of the Social Democratic Initiative, ongundu onshona mepangelo moka oonkondo dhuuleli dha topolwa.

Okwa li omupopiliko megumbo lyopashigwana lyaKosovo.

Krasniqi okwa li wo a kala okathimbo okafupi iikando iyali onga omupehapresidente gwaKosovo mo2010 nomo2011 sha landula aapresidente yaali sho ya li ya ikutha miilonga.

Pethimbo lyiikolokosha yo19981989 Krasniqi okwa li omupopiloko gwoKosovo Liberation Army (KLA).

Okangundu ko-KSC oka li ka tulwa po mo2015 ka konaakone omahepeko ngoka ga li ga niongwa ko-KLA, mboka ya li ya kondjitha nokumangulula Kosovo muupika waSerbia.

Aantu ye vule po13 000 oya li ya sile miiponokela mbika yomoKosovo, mbyoka ya li yah ulu konima sho omupresidente omukulu gwaSerbia ngoka a hulitha Slobodan Milosevic a li a kutha mo omatanga ge moKosovo konima sho ya ponokelwa noomboma koNATO uule wiiwike 11. Ompangu oya li wo ya ulike omunwe Presidente gwaKosovo Hashim Thaci muJune sho anuwa a dhana onkandangala momadhipago gaantu 100 miikolokosha mbika yomo 198999 sho ali oye omutse gwo-KLA.

Okwa li a pulaapulwa kompangu muJuli ashike ka li a mangwa po.

Lwokehulilo lyaSepetemba kakukutu komatanga omukulu gwo-KLA Salih Mustafa okwa li oye omuntu gwotango a holoka komeho gompangu, a taalela iipotha yedhipago osho wo omahepeko. Sigo oompaka open a omananathano, moka US niilongo iikwawo yomuuninginino tayi yambidhidha nokutaamba ko Kosovo onga oshilongo sha ithikamena, omanga Serbia pamwe nookuume ke Russia naChina ya tinda oku shi taamba ko.