Bushiri a pandula mboka ye mu yambidhidha sho a li mongali
Iilyo yongeleka yoJubilant Enlightened Gathering yu uvite nawa sho omuprofeti Bushiri a li a pewa ombooloha mEtitatu. yaa piyaganeke oombangi onga oshitopolwa shawo shombooloha. Shoka wo sha kwatela mo:
Oku ilopota koshitaasi shopolisi shi li popepi kehe Omaandaha nEtitano Kaaya holeke nenge ya landithe nando omaliko gawo
Ya gandje ombaapila yegumbo lyawo kepangelo ndyoka lyi li moMidstream ndyoka lyi na ongushu yoomiliona R5,5
Ya indikwa okuza mo moSouth Africa, osho wo iitopolwa yilwe kakele koGauteng noNorth West
Konima sho a li a mangululwa, Bushiri okwa li a popi komalungula kutya oku limoshihakanwa shiikundaneki nota pangulwa kiikundaneki. Ta ti oku na etimawumbwile kutya oshili otashi key a kombanda esiku limwe.
Aayambidhidhi ye oya li ya mbombolokele kepandja lye ya nyanyukwa noonkondo sho omuprofeti gwawoma li a mangululwa.
Omuleli gwongerki yoEnlightened Christian Gathering noha ihithana kutya omuprofeti, Shepherd Bushiri okwa li a pupula kombunda iilyo yegongalo lye osho wo oopasitoli muuyuni keyambidhidho lyawo konima sho ye nomushungu gwe ya li ya mangwa po noya pewa ombooloha.
“Otandi ti tangi koombiishifi, aapostoli, oopastoli naalongi osho wo iilyo ayihe yevaangeli muuyuni awuhe molwomagalikano geni neyambidhidho uulwe womasiku 15 sho twa li mondjedhililo… manga kaape na evaangeli, open a Kalunga, naampoka opo atuheni hatu tsakaneneni,” osho a li a shanga koFacebook.
Bu s h i r i nomu k a d h a , opamwe nayakwawo yaali oya li ya pewa ombooloha mEtitatu kompangulilo yaMangestalata yaPretoria. OoBushiri oya li ya pewa ombooloha yooR200 000 kehe gumwe omanga aafekelwa yakwawo ya li ya pewa oombooloha dhi li pokati koR20 000 noR100 00-. Oya li ya mangwa po muKotomba taya fekelelwa uulingilingi, uufuthi osho wo elongitho lyoshimaliwa shaa li paveta shoomiliona R102.
Mangestalata Thandi Theledi okwa lombwele mbaka yaali