Irimari a kumagidha oshigwana shi hogolele Swapo
Ngoloneya gwoshitopolwa shaShana Elia Irimari okwa kumagidha oshigwana shi hogolele ongundu yoSwapo oshoka oyo yi li mondjila.
Ngoloneya ndhoka okwe dhi popi Olyomakaya peyotho lyonyama lya ningwa koSwapo moshitopolwa shaShana oku uvithako oshigwana omahogololo gwo ok ans e l a y i i top olwa noyomalelo gwondoolopa taga ka kalako momasiku 25 omwedhi nguka.
“Oongundu ngapi dha kala tadhi totwa moshilongo muka, ihe odha huulile muunyengwi? Yakwetu tu kotokeni e tatu hogolola ongundu tayi lele oshoka oyo ongundu yoshili noyi li mondjila,” Irimari ta ti.
Ta gwedha po ta ti, ina mona nale aaleli haya tuku oshigwana, yo kaye na omikalo noshigwana shayo. Ta pula kutya otaya ka lela ngiini ngele omikalo kaye dhi na.
Ta ti, ongundu yoSwapo oyi na omalalakano ogendji omawanwa, okuningila noga ningila aaNamibia ayehe.
Swapo ota hangani tha Aanamibia, itaaku talwa kolwaala loshipa, eyitaalo, uukakwashikekookantu, nenge omuhoko ya ninge oshigwana shuudemokoli, shuudhomwenyo sho oshihole ombili.
“Ongundu ndjoka oyi na okusimanekwa, okugamena nokukalekapo emanguluko nokwiipangelamwene kwaNamibia hoka kwa kondjelwa nuudhigu,” Irimari ta popi.
Monika Moonde moonkundathana naKundana esiku ndyoka okwa ti, ye omukwaSwapo, ihe ke na esiku a thigepo ongundu ndjoka oshoka oyo ya eta emanguluko moNamibia oshowo omawunawa ogendji.
“Oongundu dhoompilamena kadhi li moshili, ihe odhi lile po okuteyagula po oshilongo. Otadhi pukitha oshigwana nokuunganeka iinima yiifundja okupanditha oshigwana shi ya hogolele,” Moonde a popi ngaaka.
Ta ti ongundu tayi lele oyi na ohokwe yokut e kul i l a oshigwana shaNamibia ombepo yelongelokumwe oshowo okukala melalakano lyimwe lyethikilo lyaayehe.
Oshowo ombepo yoku hola oshilongo naantu yashonokukokeka muyo eyitaalo kutya oyo yene yena okuutha onakuyiwa yaNamibia.
“Swapo natango okuna elalakano lyokulonga aantu ya dhiginine noku kala netumba noku uvila uuntsa iilimbo yaNamibia mbyoka ya kalelapo okwiipangelamwene kwawo ngaashi ekotampango, epandela lyoshilongo, eyimbilo lyopashigwana, oshihako shoshilongo nosho tuu,” Moonde a fatulula.
Ta ti, okuyambidhidha mehumithokomeho lyomithigululwakalo dhAanamibia okupitila metungululo lyomulandu gwelongo, okuvitha oshigwana, sho shi pukuluke.