Okapale koteenisa mOngwediva otaka yumudhwa po
Elelo lyondoolopa lyaNgwediva olya tula miilonga etengenekothanekolyomillionayimwe,okuyumudha po noku opaleka, okapale koteenisa mOngwediva. Okapala haoka oka tamekwa nale okulongwa.
Omupitithi gwomawuyelele melelo lyondoolopa yaNgwediva Jackson Muma okwa ti, okapale hoka kena iitopolwa yuupale womawudhono ga yooloka otennisa, basketball,valleyball oshowo netball , otawu kalongwa molweetho lwotango.
“Molweetho ndoka lwotango, omwakwatelwa okulongwa pevi, oodhalate, okuteta nawa omiti oshowo omalamba. Okapale otaka longululwa okugandja kaakalimo yomOngwediva, okuyapa oompito dhomayinyanyudho,”Muma ta ti ngaaka.
Okapale hoka oke li popepi nosikola Gabriel Taapopi, mOngwediva.
Ta ti, olweetho olutiyali olwakwatelwa mo, okulonga uundjugo, ooshowo omahala gokuzalela nokutula okapale hoka pondondo yi li nawa.
Muma ta ti, iilonga mbyoka oya nuninwa okulongwa ko kontalaka tayi ithanawa Shipindo Works cc, ndjoka ya pewa ashike uule woomwedhi ndatu yi kale ya mana okulunga olwetho lwotango.
“Otuna natango etengenekothaneko lyokutunga okapale okanene mOngwediva, hoka taka kala konima yoNatis mOngwediva. Okapale hoka otwathaneke taka kalongwa koomilliona mbali, no taka kala kena omahala guupaale womawudhano agehe,” Muma a popi ngaaka.
Agwedhapo ta ti, elongitho lyuupale mondoolopa yawo ota li ka kwathela aaholi yomawudhano oshowo aanyasha okuya kutha moomapandaanda, no kuya keelela okulonga ilonga iwanayi.
Jerry Marius omukalimo gwomOgwediva okwa ti, shoka tashi longekidhwa kelelo, oshili mondjila notashi nyuwitha omakutsi ga wo.
Ohatu kala twa vulwa mo momagumbo, ihe katuna mpoka ta tu yi, oshoka kapena omahala gwomayinyanyudho. Ohatu kamona ashike tu li komahala gwomanwino ,”Marius ta ti ngaka.
Ta popi ta ti, aanyasha oyendji oya yo nukila pomahala gwomaninwo, mpoka haya manene omathimbo ga wo, yo yamwe ohaya kahuulila melongitho lyiingangamithi.
“Shika osho hashi eta aanyasha ya yonuke, yo ya kalonge iilonga, inayi uka omolwa iingangamithi haya kala taya longitha,” Marius a popi ngaaka.
Aakumagidha aanyasha aakwawo opo ya longithe nawa ehala lya wo ndyoka ta li longwa, opo ye li kwatelepo, kaaya shune monkalo ye li muyo paife.