Ounafaalama noikwanghono onakwiiwa yOranjemund - Kuugongelwa-Amadhila
Omupilima Saara Kuugongelwa-Amadhila oku na elineekelo kutya onakwiiwa yOranjemund otai talikila kounamapya nounaimuna noshoyo koikwanghono oyo haitane pashito.
Meenghundafana odo a ninga omafiku aa novatoolinghundana mOranjemund, KuugongelwaAmadhila okwa pula opo Ovanamibia va tale keemhito doku li etela oiyemo da yooloka odo dili modoolopa omo, odo tadi dulu oku va yambula po, noku yambula po odoolopa, ta ti exumo komesho lodoolopa kali li ashike momake epangelo.
“Eputuko nexumokomesho loshilongo oli na oku kwatelwa komesho kovakwashiwana voo vene, opo ashike hatu kala tu na exumokomesho tali kalelele. Ngeenge otwa kala ashike tweli tula mexumo komesho tali dilile kondje yoshilongo, fye ita tu li tula mo fyee vene, ovanhu ile omahangano okondje yoilongo otaa dulu oku ya ile oku hauluka eepoloyeka ndele hatu kala po hautuka, tuhe na oshi hatu dulu oku ninga po,” ta ti ngaho.
Kuugongelwa-Amadhila ta ti Oranjemund, okwali i shivikile nale nawa omina yokawe, ashike paku tale odoolopa ei otashi dulika ika dime po shaashi omina otashi dulika ika dime po. Omupilima ta ti, ooku mina okawe oku dja mefuta oko kwali haku ningwa modoolopa, paife otaku ende taku xulu po, novanhu paife otava tameke oku mina komutunda.
“Otu na oku tala komikalo dimwe dlili opo tu tale kutya oshike vali hatu dulu oku ninga po sho shi pingene po oku mina, opo tu fye oshisho opo odoolopa iha dime po, yo i twikile noku kale ili ngaashi ya kala,” ta weda po.
Kuugongelwa- Amadhila ta ti opoloyeka younamapya oyo pefimbo eli i li momalolelo kOranjemund otai ulike kutya ombuwa yaNamibia ombuwa i na omwenyo nota i dulu oku longwa yo i ete po sha.
“Otashi ulike kutya ombuwa yetu kai yadi ashike eedjo dopaushitwe, ashike otai dulu yoo oku longwa noku etela oshilongo oikulya nosho yo oshtukulwa ashishe. Onde li nekeela oshiwana momudingonoko noshikondo shopaumwene otashi tale oshinima eshi nelitulo mo, tuha yambidide ashike kekulo loshitukulwa shetu ashike noku fya yoo oshisho kutya ovanhu vomoshitukulwa oven a eedjo doyuuyemo, neenghalamwenyo davo ota di dulu okulundulukila kouwa,” Kuugongelwa-Amdhila ta ti.
Kuugongelwa-Amadhila ta ti eedjo deenghono odo vali oshinima shikwa odoolopa tai dulu oku tala kusho, ta shi epangelo ota eta elunduluko moshondo shoikwanghono moshilongo, nelalakano oku yandja omhito kwaavo veli moshikondo shopaumwene opo navo va dule oku kufa ombinga mongeshefa nexumokomesho eli.
“Elineekelo oleli ngeno tu kale ofye tu li komesho moshokondo shoikwanghono moshitukulwa shaashi otu na eedjo dihapu oomo hatu dulu oku eta po olusheno eli hali hapupalifwa paushitwe. Apa pa ama odoolopa opawa neenghono shaashi Oranjemund ouli ponhele iwa oku yandja olusheno koshilongo ashishe osho yo koilongo ypoushiinda.
Omupilima okwa li yoo a talela po eepoloyeka dihapu depangelo, eefikola nosho yo omandiki ouhaku modoolopa.