Mayola gwaWindhoek a uvithwa nayi kokavideo okakulu keli komalungula
Ma y o l a g wo s h i l a n d o shaWindhoek (CoW) Mayor Fransina Kahungu okwa holola eyuvonayi lye omolwa okavideo okakulu hoka taka itaambathanwa ngashingeyi komalungula taka ulike nkene omagumbo gaantu gali ga hanagulwa po kelelo lyoshilando she omathimbo ga pita.
Kahungu momushangwa ngoka gwa tumwa kiikundaneki okwa ti ovavideo hoka okali ka thanekwa momumvo 2016 no itaka ulike oshili yonkalo yongashingeyi. Kahungu ta ti okavideo hoka ota ka longitwa owala kuyamwe opo ya itoolele iitsa papolitika, ta ti mboka taye ka taambathana oya hala owala oku ngwangwaneka oshigwana.
Mayola Kahungu okwa gwedha po ta ti elelo lyoshilando she ohali kala aluhe tali tala kekandulopo lyomukundu tali kalelele, nekandulo po ndjoka olya kwatela mo okweeta noku lundululila omalukanda gi i nyakwi moWindhoek pamuthika gwondoolopa.
“Uumbangi gwi i l onga neiltulomo lyelelo ogu li ponkatu yopombanda, notatu longikidha opo tuka gandje oonzapo kaantu mboka yeli kiitopolwa mpyoka kaaye na omauthemba gwevi, opo nayo ya kele ye na omavi geli komadhina gwawo.
Oonzapo ndhika otadhi ka kashilipaleka aakwashigwana kutya elelo lyoshilando olya tambula ko okukala po kwao pomahala mpoka yeli, nelelo kali na we esiku lika hanagule po omalukalwa gawo –kahungu tha gwedha ko.
Mayola ta ulike puuyelele kutya aakalimo mbaka ngele ya mono oonzapo dhawo otaya ka kale yeli meni lyooveta dhevi ngaashi dha tulwa po kepangelo, noshinima shika otashi ka kwatha oku sa oshimpwiyu kutya ita pa ka kala we omuntu ta ikuthile evi, sho ishewe otashi ka kwatha muni a vule oku longa evi ndika pamukalo guli nawa noku gandja omayakulo kaakwashigwana, shi vulithe onkalo ndjoka yali po yokwaahe na euvathano pokati kelelo lyoshilando naakwashigwana, noku nanathana. “Onkene otandi kunkilile noku gandja omayele koshigwana opo shi kale sha tonata noku igamena kwaamboka ya hala oku shi pukitha nomalalakano gawo ogo kutoola iitsa yopapolitika, ihe kaye na oshigwana komutima,” Kahungu ta ti.
-Nampa