News in Rukwangali & Oshiwambo
RUNDU – Evango eli twandindira siruwo sosire lyokuhampurukira ndi lyokukara vantu vanakundindira mosipangero sepangero moRundu ngesi sina punye kutunga konyima tupu etungo eli lyatameka kulitunga nomvhura ntazimwe zakapita. Valkdi nye vakara asi kuna kundindira pwanare ngavarara pevhu nomononkondwa edi vatunga nare dokurara ava vana kundindira morwa kapi kwakere evango. Eyi ngesi tayikara nye yimwe yakapita pwanare epangero ngesi klwaturapo yimaliwa yokusika koN$53,7 yonomiliyuna omu vayitura asi vatiunye evango eli navarara ava vana kundindira vamone vakeke.
‘’ evango eli lyokurara vakadi vana kundindira nayina nakulitura nokulipaturura paveta kwalitunga negano asi tugusepo udigu ou wakerepo wokupira mararo yipo asi tupakere sinke vakadi ava vana kundindira, morwa ngesi vahepa nye kugwana mbatero ezi vapumbwa siruwo sosire ‘’ yimo ana kutanta Ministera Dr. Kalumbi Shangula moutano kaupwire mosiruwo sokuzegurura evango eli paveta.
‘’ Etungo eli kuna ligwederere ketungo eli lyakjarako nare yipo tugave mbatero kovakadi ava vana kundindira vamone vakeke. Ntani nalihoroka nye udigu wovakeke ava vana kuhampuruka nye asi kwahakara umbondo ndi udigu nkenye. Evango eli kuna kara nomavango gokulisigasiga muna hamene ngwendi evango lyokutewira, lyokukonakonena ntani evango nye ogu navatura vakeke vana pili kusikamo momakwedi, evango lyokulikarera, evango lyokuhingira ozina mukeke, mberewa ntani evango nye lyokugwanekera kumwe nandokotora. Sirugana esi apa satamekere kwakere ngano soyimaliwa yokusika ko nomiliyuna N$44 posiruwo nye ose vasigeve sirugana esi komutungi ogu. Age kwayamupere evango eli mwaKudumogona 9, 2014 makura kwagazarere asi gahepa kumana mo 22 Pembankuru 2015. Makura yiyo nye vayirundwwilire morwa udigu wongandi ntani yimaliwa nay okapi yakerepo. ‘’ Twayalisikilirev mwaKudumonkuru 2016 projeka ezi simpe kapi zina pu.
Ministera katente asi age kavamutanterere vatungi ava asi projeka ezi kapi zapwa usimbu eyi yakere asi yimaliwa yayakandukire hena nonomiliyuna N$8.9 eyi yareta nye sivaro nasinye siya sike konomiliyuna N$53.7
MwaSikukutu mvhura zeezi, vatungi vasikisiremo nye sirugana mokumana projeka zangesi. Ame simpe nakona kuyinkondopeka asi elikwamo lyoukanguki noyiruganeso ntani kupwaga ponze tukadingure vantu vetu kuna kara elikwamo naturugana ngesi. Ministeli nepangero momunene kunalituranmo mokukulika ntani kutamununa yiruganeso nokugava sirugana mosirongo setu nasinye. Shangula katente asi awo kutunda apa navakara nelikwamo lyokukeverera asi noprojeka dononene nadinye dahepa kupwa mosiruwo sooso vana kulizuvha kwaha kakara hena malirango gonkandi.
Noprojeka edi dina kara melirango kuna kara sipangero saNkurenkuru ntani saGcaruhwa, Shamaturu, Lintanti, Epupa, Schlip, Aranos, Okahao, Keetmanshoop ntani Okahandja Okakarara, St. Mary, Katutura ntani Onandjukwe. Ame nahepa kumutantera ngesi asi ose naturugana moomu twavhulira yipo tuwapukurure eyi twakumona asi kapi yina wapa. Morwa ou udigu nye una kara wounene nokugwedako asi koveli varongwa vakuwiza sipangero saRundu naso simwe ngasigwana vantu ndi varugani vangesi.