Bukalo kavagwene N$145 zonomiliyuna vadike evango lyokatomeno

RUNDU– Ndango zodoropa zaBukalo kavatulire mepulisiro vatunge evango lyokatomeno lyoyimaliwa yokusika konomiliyuna N$145 eli nalikara asi evango lyokwantyani lyomutaro lyokatomeno pevango lyevhu lyokusika ponomusunda ntano devhu omu navaruganena nyama zonkunkutu, omu vana kuyimona asi tavakaretesapo yirugana, yimo ngoso ana kutanta nguuru gomukunda Zambezi Lawrence Sampofu posiruwo sokugava mbudi zendi katambeserere kovatungimo womomukunda ngwendi moune wakapita.

‘’ Projeka ezi kuna kuzingungunyikire konomiliyuna dokusika koN$145 omu muna hamene etungo lyomambo govarugani, evango lyegendeso ntani omu ngaga pitita mema gomadona eli lina likarere kapisi kumwe neli lyaBukalo nazinye omu ngamu[ pitira honed nayimwe yokutunda konyama yimo ngoso ana kutanta.

Sampofu, katente asi evango eli lyokatomeno kwalitulisapo ndango zaBukalo awo kuna kuligazarera asi talikatamekakuruganamwaMurongagona 2021. Nguuru simpe katente asi evango nye lyonondima kuna kuza komeho momuunda Zambezi.

Elikwamo eli kuna litulirepo morwa kuwapukurura evhu noku;liruganesa nawa yipo nose tusikisemo elikwamo omu una kulitjindja ukaro wouzuni tukara nomavango gonondima yipo asi tukare nonondja dina gwanene pontambo zosirongo ntani pounafarama. Ntani kuna karapo egano lykukazangura nombya yipo tuka zangure magadi gomomberera. Elikwamo eli kuna kuligazarera likavatere vanandima vetu omu navakagwana nsonso, kupurura, kutapeka, kuzangura ntani evango lyokurandesera, yimo ana kutanta ngoso nguuru.

Sampofu kayididilikire asi mukunda Zambezi, kuna kara nago ngwendi noimukunda noinkwawo 14, nawo kuna kara nelikwamo lyovanafarama gona eli lina karako momavango gompongasano mevhu lina kara mepitisiro lyoRudi.