Omvula ya loko nawa monooli
NONANDO oyendji ya kala ye na uumbanda kutya omvula nuumvo itayi loko mbala monooli, okuza oshiwike sha zi ko, oye ga tilehi pevi miitopolwa oyindji yomonooli.
Kundana sho a li aatalelepo iitopolwa ya yooloka ngaashi Ohangwena, Omusati nOshana omvula oya loko nawa miitopolwa moka , shoka shi li oshinima oshiwanawa koyendji oshowo kiimuna.
Maria Shikongo, ayambukile momukunda Onaanda okwa ti, omvula oya loko oku za uusiku wolyomakaya awuhe sigo ongula yOsoondaha. “Omvula oya loka nawa no yali yashekalwopotundi09h00lwaampoka,oyaka tsikila natando uusiku wOsoondaha mboka, etayi sheka koongulasha dhOmaandaha,” Shikongo a popi ngaaka.
Shikongo ta ti, emnvi ngeshingeyi olyanyuta nawa, nota longekidha nale okupululitha eepya lye opo iilonga yetemo yi tameke kuyele. Ta ti, omimvo dha piti, oya kala haya thiki mokili yena iilya momapya. “Nuumvo ondahala okulima Iilya no makunde, oshowo oofukwa dhandje odhindji, opo ndi vule okukalanditha omvula ta yiya, ndimone wo oshimaliwa shoku landa omboloto,” Shikongo ta ti.
Shikongo okwakumagidha aanafalama akwawo, ya galikanene pamwe opo yamone omolokwa omwanawa nuumvo ya vule okulonga nawa momapya gawo.
Agwedhapo ta ti, momagalikano ga wo ota indile wo natango omukithi gwoCovid-19 guhulepo thiluthilu, ngoka kwali gwa ponokele oshilongo omvula ndjika, nogwa
faalele oomonyo odhindji muuyini awihe.
Nonando omvula inayi loka lela ngaashi shito, iishana oyina omeya, nomwiidhi ogwa zizi nawa opendji.
Iitopolwa yimwe yoshilongo otayi hokololwa na yo ya mona omvula nonando ohayi pitithapo omasiku omanga inayi tsikila okuloka natanango. Unene iitopolwa yokUumbugantu oshowo kUumbugantu woshilongo. Nonando kiitopolwa hoka ihaku limwa omapya, nayo otaya pumbwa wo omvula molwa iimuna yawo moka omo haya hupu, okulya omwiidhi