NamPol a kunghilila oshiwana kookalyamupombo

ONamibian Police Force (NamPol) oya kunghilila oshiwana opo shi kotokele ookalyamupombo ovo tava kengelele ovanhu unene ovalandi veetuwa.

Omupopi l iko wopol i f i yaNamibia Deputy Commissioner Kauna Shikwambi ookalyamupombo ava otava longifa unene osocial media, unene oFacebook oko tava tava landifa eetuwa noku longifa eembapila doipupulu, tadi ulike dafa da shainwa komuponhele womukulunhu wopolifi opo di kale tadi monika dafa doshili.

Ta ti opolifi oli tai konaakona ovakengeleeldi ava va kwatela mo ovakainhu ovo tava longifwa oku kufa oimaliwa kombaanga oyo ya tumwa koihakanwa iheshishi.

“Fiyo opapa opolifi oyeshi pondola oku mona po oshimaliwa shoN$45 osho shali sha nyekulwa ovanhu pamukalo ou wekengelelo, novafekelwa vavali ova kwatwa po,” Shikwambi ta ti. Shikwambi ta ti yoo opolifi oya didilika kutya ovalumenhu ovo tava nyikwa nyikwa moshinima omu ovanhu ovo veli nale konima yekumba, notava ningi omunyeka ou omanga veli modolongo. “Pefimbo lokashava ka ningwa meeduda dovanadolongo okwe li tuwa eengodi nhano odo tadi ulike di na oumbangi woikengelela ei,” Shikwambi ta ti.

Ta ti opolifi onghee tai kumaida oshiwana shili vangeke koku kwafela ovanhu ovo vele modolongo noku va vakela eengodi op ova xumife komesho oilonga youlingilingi.

“Ovo taku ka monika kutya ove na mo olunyala moilonga omu otava ka ungaungwa navo koveta.” Shikwambi ta kumaida oshiwana shili dimbike koinyangadalwa unene oifuta oyo hai ningwa komalungulaihenaekwashilipaleko. “Oshiwana inashi landa oituwa oyo inashi mona kondadalunde, vo vali inava kala tava futu omanga ina va yakula oituwa oyo,” Shikwambi ta kumaida. –Nampa