Uuvu tawu limbilike wa fala omathele moshipangelo moIndia
OMUNTU gumwe okwa hulitha naantu 300 oya kwatelwa moombete moshipangelo ya kwatwa komukithi inaagu tseyika natango moshitopolwa shokuumbugantu waIndia shiAndhra Pradesh.Aanuumvuoyenaomandhindhiliko ga yooloka mwa kwatelwa okukunga nokukala yaa shi mpoka ye li, oondokotola tadhi ti ngaaka.
Aanambelewa natango oye li taya konaakona osheetithi shuuvu mboka, ngoka gwa li gwa iteyele mondoolopa yaEluru mehuliloshiwike. Shika osha holoka pethimbo India ta kondjitha omukithi gwekomba gwoCovid-19, sho oye e li puutiyali muuyuni momwaalu gwaantu mboka ya kwatwa koCovid-19.
Andhra Pradesh osho shimwe shomiitopolwa ya dhengwa nay – shi na aantu ya konda 800 000 ya kwatwa kombuto yoCovid, noshi li puutitatu moshilongo.
Ashike Covid-19 kayo ya eta oyendji miipangelo mehuliloshiwike. Ominista yuuhaku, Alla Kali Krishna Srinivas, okwa ti aamvu ayehe inaya monika ocoronavirus.
“Aantu mboka ya ehama, unene tuu uunona, oya tameke okukunga osho wo taya ti omeho otaga tapata. Yamwe oya li ya kambuka,” omunambelewa guuhaku koshipangelo shepangelo shaEluru osho a lombwele oshikundaneki shoIndian Express ngaaka.
Aantu 70 oya lalekwa mo moshipangelo, omanga 157 taya pangwa natango, aanambelewa taya ti. Ominista onkuluntu moshitopolwa moka, Jaganmohan Reddy okwa ti osipana yaanambelewa yuuhaku otayi ka tumwa koEluru ya ka konaakone osheetithi shomukithi ngoka. Reddy okwa tegelelwa wo a ka talele po ondoolopa opo a tsakanene naamvu osho wo oofamili.
Srinivas okwa ti omakonaakono gombinzi inaga ulika nando mbaka ya kwatwa komukithi nando ogwa sha.
“Kashi shi nando omeya ga kaka nenge ombepo ya kaka oshoka otwa tumu aanambelewa ya ka konaakone iitopolwa hoka kwa za aavu,” ta ti ngaaka. “Omukithi omulimbiliki nomakonaakono gomolabola ogo ashike tag eke shi potokonona.”