Omangeshefelo gomomapandaanda otaga koko monooli yaNamibia - FNB
O MANGESHEFELO gomomapandaanda oga koka unene muumbangalantu waNamibia sho aantu mboka ya kanitha iilonga yawo molwa oCovid-19, nenge mboka inaaya vula okumona iilonga, ya shuna kiitopolwa yokuushayi. Mbuka uuyelele wa pitithwa komukuluntu gwoshikondo shomapekaapeko mo-FNB, Frans Uusiku, ngoka momushangwapitithi mOmaandaha a ti wo sho omagumbo ogendji ga kala noku indikwa okumona omakwatho gopashimaliwa otashi vulika nasho sha gwedha ko konkalo ndjika yomalunduluko gomangeshefelo gomomapandaanda.
“Sho tatu tala nawa nkene tu na okumona mo uuwanawa moompito ndhika tadhi holoka momangeshefelo gomomapandaanda, omapulo gaali gomuule otaga vulu okukala ogo etameko lyoonkundwa ndhika. Tango, otatu vulu ngiini okutula uukwatya womahangano gokugandja iimaliwa ngiini opo tu yelule oonkondo dhetu tu gandje omayakulo kaalandithi yomongeshefelo gomomapandaanda nomagumbo gen a iiyemo iishona? Oshitiyali, otyatu ka kwatathana nokumanga uukuni kumwe ngiini nomahangano gomayakulo giimaliwa opo tu koleke ekuthombinga lyetu momudhingoloko gomangeshefelo gomomapandaanda?
“Shikauneneotatushitaalelemiitopolwa yomuushayi hoka okule kwoondoolopa ku li endangalati enene opo ku kwatelwe mo aantu ayehe momayakulo gopashimaliwa,” Uusiku ta ti. Okwa ti kutya etalululo lyomangeshefelo gomomapandaanda muumbangalantuwaNamibiaogakwatako unene ngaashi iikwamboga, iikwamawawa nonyama, omanga mondingandinga niitopolwa yokomunkulofuta yin a oofaabulika ngaashi okupangela, okufikila nokuhondja. Oku shi talalela mombululu yomangeshefelo gomomapandaanda, iitopolwa yokonooli oya simana ngele ntashi ya kokuyelekanitha okuyungula osho wo okugandja iilongomwa yomeendelelo mondjila yomangeshefelo guunamapya. Uusiku okwa li a gwedha ko kutya shika otashi ti oshimaliwa otashi inyenge nawa meliko lyokonooli, unene tuu pethimbo lyoohango nomatango omanene. Oshitopolwa oshi na wo uuwanawa owindji oshoka osha palathana oongamba niishindalongo ngaashi Angola naZambia.