Ookatali yokufinyaafinya omukithi gwoCovid-19 otaya longo nawa
OOMBWA dhi li ine dhokufinyaafinya ndhoka dha dheulwa koshiputudhilo shopombanda shoUniversity of Namibia (UNAM) opo dhi vule okufinyaafinya omukithi gwoCovid-19 odha ulika kutya otadhi vulu iilonga mbyoka. Ndhika odha popiwa kuConrad Brian, omulongi moshiputudhilo shoka mEtiyali pethimbo ya li taya pewa oshimaliwa shooN$80 000 kehangano lyoCapricorn Group.
Shi ikwatelela komushangwa gwa piti mEtitatu, Brian ngoka a li a kwatatakanitha omalolelo goombwa ne ndhika dha lukwa Beauty, Bat, Amy naAdam, okwa ti oya uka komeho momikalo ndhoka dha longhithwa nokuwete oombwa ndhika tadhi longo nawa.
“Otatu longitha oludhi lwoombwa dhoBeagles mopaife, oshoka odho ihaadhi tilitha aantu unene ngaashi omaludhi galwe,” ta ti ngaaka. Brian okwa li a ti sho omandhindhiliko goCovid-19 haga kutha omasiku opo ga iholole osho wo moompito odhindji pwaa na omandhindhiliko, oprojeka ndjika otayi vulu okukala tayi longithwa opo ku monike mboka ya kwatwa komikithi noku yaik al eke la, na ashikaot as hi kan ga mbeka omukithi kaagu taandele.
“Oombwa odha ilonga okudhimbulula omukithi, naashika oshiwananwa noonkondo.” Brian ta ti ngaaka. “Oombwa ndhika ohadhi vulu wo okufinyaafinya aantu 17 muule wominute mbali shoka tashi eta pwaa longithwe oshimaliwa oshindji okututsa aantu oshoka ombwa yimwe oya kalela po aapolisi yane nondokotola yimwe,” ta fatulula ngaaka. Gumwe gwomaaniilonga aakuluntu yoCapricorn Group Marlize Horn okwa ti oprojeka ndjika oyo yotango muAfrica, oye shi pondola okukwathela mekondjitho lyomukithi gwoCovid- 19. Oshimaliwa sha gandjwa koCapricorn Group otashi ka kwathela oombwa dhilwe dhi dhyeulwe wo. - Nampa