Okati nga ke kotoke ke kotorere ovihape vyo ngutukiroIshoo
Otjomuise- Ombepo yo ha¿i no ku honaparerapo, oyo ndjari ombepo yo ruveze ro huurire, oure wo zombura o 30 ro ngutukiro ya Namibia imunika oku nyomoka.
Posia ngunda moruveze ro huurire oyo aaa inyomokisiwa iyo vavapa kutja ve ho parerepo ovazoozu, nambano mo Namib ia ya rira oyo kutja omuhoko umwe uhonaparero po imbyo omikwao, Ishoo Mungunda, ngwari umwe wo vararakane mo matoororero wa Karukondua Komatoororero ka Mongua, matja. Eye wari nehungi kuna David Kaiko wo murari imbwi o Universal Media mbu pitira okuza mo Kahandja. Matja ombepo indji kairi pokati komihoko mo Namibia uriri nu gwari wina mo tji wa¿a otjini tjo Vaherero no Vambanderu omwiiri. Nu ngunda oviwa¿a imbi vyo Herero no Mbanderu avi hiyautira muvyo ovini oku koza ombepo indji, nga vi zembe kutja po ndondo yehi maviyenene. Munao Ovaherero no Vambanderu, nu tjinene omitanda, otji vyasere oku ri yaruka mourekoto okurwisa ombepo indji. Matja ndoovazu ombepo indji kairwisirwe nai ape nÿarire ozombura 30 zo ngutukiro, harukuru ma i nyomokereko na peya aitwara omihoko mehi okuuta oku yarukasna. Munao oviwa¿a imbi nganduu mehi arihe nu tjingetjo motjira tje tjo Swapo eye tja kuramenenepo, matjiso okuriyaruka no ku riteza okwiisapo no ku koza ombepo indji. Mungunda matja oviwa¿a vyo Herero no Mbanderu ngunda vina otjiungura tji vi hiya mana tjo kati kombara yawo, Katjikururume Hosea KuÞako, ka yandjere oruveze indo ngwari umwe wo zo horoose motjirwa tjongutukiro okuza kohuurire, Sam Nujoma. Matja Katjikururume okati inga we keya ndjere ku Nujoma no ndando. Imwe ndjari ongutukiro. Ehi rakutuka posia okati inga koveni vako, mbiri oviwa¿a vyo Herero no Mbanderu kake ta kotoka. Ihi otjeri otjiungura tjo viwa¿a imbi kutja ke kotoke. Posia oviwa¿a imbi ngunda avi hiya kotoka oku rira omundu umwe, novyo ngunda aviri oviungurisiwa mo ma ha¿eno no ma honaparero wa nambano, kanaa vitjiti kutja okati inga ke kotoke kuvyo otjomundu umwe otja tjivyari tji vyaza mo tumbo twa katjombonÿi kehi ra Mongua kehi younane wa Katjikururume nu tjiva kEpukiro kehi ya Nicanor Hoveka. Mungunda matja okati inga makeso oku kotoka no vihape vyako vyo ngutukiro ovyo nai nandarire mo Mongua mbi hiya munikwa ngamba. Ondjari imwe yo zo ndando ze kutja omongwa otjo maturiro yemwe omatenga waimba mbahuka ominyo kondjembo ya Katjivitjouanga yo 1904, wina veute okurora ovihape vyo ngutukiro.