Geingob ucinca lindumeleti

WINDOKO – Yanali likwambuyu mwa ofesi ya mueteleli wanaha Martin Andjaba, ni yanali muzamaisi yomuhulu mwaofesi ya litaba zakwanda naha Selma Ashipala-Musavyi ikaba lindumeleti hape, haili yanali muinasipula wa Ndu ya Milao yabubeli Margaret MensahWilliams ni yanali muyemeli wa tolopo ya Tsumeb Lebbius Tobias kibabañwi balindumeleti zenca. New Era ilemuha kuli Andjaba ikaba ndumeleti mwanaha German, Ashipala- Musavyi ikaba ndumeleti hape mwa Wiko wa Afilika, ili kwana bile ndumeleti sa pili, mi ikayoba muyemeli mwanaha Nigeria ni Ghana.

Ashipala- Musavyi nakile aba ndumeti mwanaha Liberia. Uka yoyola muyemeli wa cwale Charles Josob, ili yashimbululezwi mwanaha Finland. Mensah- Williams ukaliba kwa Washington, mwanaha US kuyoyola Monica Nashandi. Sibuabui mwaofesi ya Mueteleli wanaha Alfredo Hengari nanitifalize liketo zeo. Yanali ndumeleti mwanaha Botswana Mbapeua Muvangua niyena ukutela kuba ndumeleti mi uka yoyola Samuel Nuuyoma mwanaha Brazil. Mubakweli kumuyemeli mwanaha South Africa Nicklaas Kandjii ukaliba mwanaha Zimbabwe.

Herman Diamonds ukaliba mwanaha Malaysia, ili teñi Elvis Shiweda uketilwe kuba muyemeli mwanaha Senegal. Julia ImeneChanduru ukaya mwanaha Switzerland nikuyoba muyemeli yainelezi kwa katengo ka UN mwamuleneñi wa Geneva, ili teñi Mekondjo Kaapanda-Girnus uya kwanaha Belgium, kuyoyola Kaire Mbuende yasebelize kanako yetelele mi nako yahae ise ifitile kwamafelo. Hene ili Sipapela Sipapela yanali muyemeli wa silalanda sa Linyanti, uketilwe kuyoba ndumeleti mwanaha ya Congo.