Amushanga gwiiniwe gwa-US metalelopo moSudan
KHARTOUM – Amushanga gwiiniwe gwa-USA Steven Mnuchin okwa li a thiki moSudan mEtitatu molwoonkudathana kombinga yeyambidhidho paliko ndyoka US ta ka pa Sudan monakuyiwa, sha landula shoKhartoum a li a kuthwa mo momusholondondo gwiilongo mbyoka hayi yambidhidha uukulo.
“Amushanga gwiiniwe mo-US Steve Mnuchin okwa li a thiki ongula yonena (mEtitatu) a kwatela komeho osheendo shaanenentu, shoka osho etalelopo lyoludhi ndoka lyotango moSudan,” omushangwapitithi gwepangelo tagu ti ngaaka.
Mnuchin okwa tegelelwa a ka inike komilungu nomupresidente General Abdel Fattah al-Burhan nOmuprima Abdalla Hamdok. Oonkundathana dhawo okwa tegelelwa dhi ka tale unene kombinga yonkalo yeliko lyaSudan nyoka lya nayipala, osho wo omakwatho ga-US kuSudan neyululolo lyiifuta yomikuli, epangelo tali ti ngaaka.
Sudan okwa taalela uudhigu wompumbwe yoshimaliwa moshilongo osho wo eyo pombanda lyoondando ndyoka lya guma aantu ayehe yomithika dha yooloka. Omikulu dhe otadhi tengenekwa dhi li lwopoobiliona US$60.
UnitedStatesokwaliakuthaSudanmomusholondondo ngoka momasiku 14 Desemba sho oshilongo shika shaArab sha ningi etokolo okupingakanitha iipindi naIsrael. Sudan okwa li a taamba ko euvathano ndika muKotomba ashike okwa ti otali ka tulwa ashike miilonga konima sha kolekwa kopaliamende ndjoka inaayi ya natango.
Washington okwa ti ota ka kwathela Sudan noomiliona. Uuministeli wuuyuuki owa ti omakwatho ga-US ge li moka oge li pobiliona ya-US$1,1, osho wo oodola oobiliona dhilwe ndhoka US ta ka pititha mOmbaanga Yuuyuni opo a fute oondjo dhaSudan.
Sudanokwakalamuudhiguwokutotaepangelokonima sho etanga lyegameno lya li lyu umbu ko president Omar al-BashirmuApiilili2019konimayomahololodhilaadhilo goomwedhi ge li ompinge nelelo lye. Epangelo lyopakwiita tali longele pamwe nolyopashigwana olya panga uukuume na-US.