Aaindia taya ka shanga omakonaakono ge na sha nongombe ‘ondjapuki
NEW DELHI – India ota ka tula aakwashigwana mekonaakono enene l y o o n g omb e lyokomalungula omwedhi tagu ya, sho epangelo lyeitaalo lyOshihindu tali ningi onkambadhala yokugamena oshinamwenyo shika sha simanekwa, aanambelewa osho ya ti ngaaka mEtitatu. Otutsu ndjoka yuule wowili yimwe momasiku 25 Febuluali, ndjoka ya patulukila aanona naakuluntu osho wo aakwiilongo, oyi na omapulo 100 gokuhogolola ge li mOshihindi, Oshiingilisa osho wo omalaka galwe 12 gomoshitopolwa.
Elalakano okuviha ontseyo yoshigwana osho wo oku shi longa, shi ikwatelela kehangano lyokugamena oongombe lyo-RKA ndyoka lya totwa kepangelo lyOmuprima Narenda Modi.
“Oonzapo otadhi ka pewa aantu ayehe. Mboka taye ke shi pondola otaya ka pewa oozapo nomagano,” Uuministeli yOohi, Emuno lyIimuna osho wo Iikwamahini osho wa tseyitha ngaaka. “Ongombe oyi na sha nuudhindoli neliko. Aantu kaye shi ondando yoshili yongombe paunongononi nopaliko,” omukuluntu gwo- RKA Vallabhbhai Kathiria osho a ti ngaaka. RKA otayi ka pititha embo lyokwiilonga ndyoka lyi na uuyelele kombinga yomaludhi goongombe osho wo eyitaalo kutya okudhipaga oongombe ohaku eta ekakamo lyevi. Aahindu oyendji oya tala ko ongombe onga oshimuna oshiyapuki.
Epangelo lya Mondi olya ninga oongombe dha simana nolya tula mo oshimaliwa shoobiliona mooprograma niinyangadhalwa dho ku dhi gamena osho wo omapekaapeko kombinga yelongitho lyomapumba goongombe nomasita. Miitopolwa oyindji, okulya onyama yongombe kasha li paveta, omanga muyimwe omageelo oga yaga kegonga nonando India oshilongo shomayitaalo nomithigululwakalo odhindjidhindji dha yooloka.
Aamuslema nAahindu yalwe oye li taya ponokelwa omolwokulya kwawo konyama yoonkwandambi. MEtiyali, oshitopolwa shomuumbugantu shedhina Karnataka osha li sha ningi omalundululo mooveta dhawo, nosh ape opolisi oonkondo nuuthemba wokuhadha osho wo okumanga po omuntu ta fekelwa a dhipaga ongombe. Epangelo, ndyoka lyi li momake gongundu yaModi yedhina Bharatiya Janata Party (BJP) olya li lya tula po egeelo lyoomvula heyali osho wo egeelo lyo-US$13 700 kaapogoli.
-Nampa/AFP