Ofamili ya hala ngoka a tsu omukiintu iikando 14 a tulwe miipandeko
Ofamili yomukiintu ngoka a li anuwa a tsuwa iikando 14 kohonda ye onkulu mesiku lyOkili oya ti oshikumithalonga shoe na na tango omwenyo. Otaku popiwa kutya ohonda onkulu yaSizani Ngcobo oya li ya yi megumbo lyomukiintu ngoka mo Willow fountain, Pietermaritzburg, omanga a li ted hi kutha komasipa momasiku 25 Desemba nokwa li a pula opo ya tamukulule iihole yawo.
Shi ikwatelela koshikondo sheyambulepo lyopankalathano moKw a zulu-Natal, sho Sizani a nukile pomutenya, omulumentu okwa li e mu ningile omambandameko goku mu kutha omwenyo manga inee muhila mo mombete noku mu mbondola nombele ee te mu thigi mpoka.
Oyen a okanona kamwe. Ta popi noshikundaneki shoTimesLIVE mEtitatu, mumwayinamat i gwomukiintu ngoka gwomimvo 36, Prince Ngcobo, okwa ti mumwayinakadhona okwa lalekwa mo moshipangelo noku li ta panga megumbo.
“Okwa li a mona oshiponga noonkondo, onkene ota aluka kashona nakashona. Ashike atuhe out li naye kegumbo – naavali yetu naamwameme, atuhe otwa itula mealuko lye. Nonando tatu mu yambidhidha ngeyi, ondi wete kutya okwa pumbwa okupopya nomuhungimwenyo, oshoka uusiku oha kotha nuudhigu noku li natango muumbanda,” Prince ta ti ngaaka.
Okwa ti aanona oya adhika ya kotha sho oshiningwanima shika shi nyanyaleka sha holoka. Ofamili oyi uvite nayi natango sho omuponokeli nguka inaa tulwa miipandeko sigo onena.
“Opolisi otwe yip e uuyelele awuhe mpoka tayi vulu oku adha omulumentu nguka, mpoka ha longo, nakehe ethimbo out uvite mpoka ha monika, ohatu dhengele aakonaakoni yiimbuluma meendelelo. Ashike, ina mangwa natango. Mpoka pet hike ethimbo lye lyokukala kondje, opo wo pet hike uumbanda wamumwameme a ponokelwe natango,” Prince ta fatulula ngaaka muule.
Opolisi ya- KZN inayi yamukula komapulo. Omugandji gomayakulo geyambulepo lyomakwatatahano gopauntu Nonhlanhla Khoza okwa li wo a pula opolisi yi mange omulumentu ngoka.
“Out na eikwatopomutima enene sho omulumentu nguno natango inaa kwatwa, Omukiintu okwa hulitha po ekwatathano lyawo lyopaihole nonkambadhala yoku mu galula oya ndopa. Omulumentu nguka okwa tokola a hepeke nokutsa omukiintu ngoka keen a ohokwe naye we,” Khoza ta ti. Okwa ti omayihumbato gomulumentu nguka oga nika uuwaya.
“Otwa hala okumona omulumentu nguka a mangwa nokulongela ondholongo ethimbo ele sho a hepeke omukiintu. Onga oshikandjo, otwa kala tatu longo niipotha oyindji yomahepeko gopaukashikekookantu notwa hala mbokatayaningiiikulumunambika ya mangwe po nokupangulwa,” ta ti ngaaka.
Khoza ta ti aahungimwenyo otaya ka tala ngele otashi wapa okukutha mo oshihakanwa megumbo ye mu fale pehala lya gamenwa. Okwa li a indile oshigwana shi longele kumwe nopolisi okumanga po omulumentu nguka.
“Otwa pumbwa oshigwana shi longele kumwe naakalekipo yoveta, epangelo osho wo iikondo ayihe tayi lwitha omahepeko gopaukashikekookantu,” ta ti ngaaka. Oshikondo osha gandja osipana yaahungimwenyo opo ya gandje omakwatho nomayakulo kofamili ndjika.