Yoweri Museveni a taalela Bobi Wine momahogololo gopaupresidente
Omunamimvo 38 omuhikingalo a simana okwa taalelathana nomuleli gwethimbo ele moUganda momahogololo ga kwata miiti. Robert Kyagulanyi, a tseyika nawa nedhina Bobi Wine, okwa ti okwa kalela po aagundjuka moshilongo, omanga Yoweri Museveni, 76, ta ti okwa kalela po engungumano moshilongo.
Omahwahwameko oga kala ge li kohi yomaipumomumwe niikolokosha, naantu omilongo oya li ya si. Epangelo olya li wo lya pata omapandja agehe gosocial media. Presidente Musevni okwa ti shika osha holoka konima shoo Facebook ya li ya pata omapandja nontumba ngoka taga yambidhidha ongundu tayi pangele.
Opolisi yaUganda oya ti otayi ka tula po aapolisi pombanda yomatungo moshilandopangelo Kampala mesiku lyomahogololo omanga oohauto dhetanga lyegameno dha Tameka nale okupatolola momapandaanda. Aantu oya li ya tameke okuhogolola ohela potundi 07h00 yongula methimbo lyaUganda, niizemo okwa tegelelwa ashike yi ka pite konima yOlyomakaya. Presidente Museveni okwa hakla oshikako oshitihamano mombelewa, konima sho a kala koshipundi uule woomvula 35.
Omahwahwamekoogaligaindikwa moshilandopangelo Kampala, osho wo miikandjo yilwe. Ompilamena oya ti shika osha ningwa oshoka oyi holike miitopolwa mbyoka, ashike epangelo olya ti osha ningwa okukeelela omukithi gwoCovid-19.
Ookandidate dhompilamena – ma kwatelwa BobiWine–aayambidhdidhi yawo osho wo iilyo yooprograma dhawo dhomahwahwameko oya kala nokumangwa po omathimbo nomathimbo.
Opolisi oya ti oya tula aapolisi kombanda yomatungo osho wo pomahala gomalandithilo konima sho aayambidhdidhi yompilamena ya li ya holola omadhilaadhilo gawo kombanda yomatungio sho Bobi Wine a li a mangwa po muNovemba omvula ya zi ko.
Aantu oomiliona 18,1 oya ishangitha okuhogolola Ookandidate 11 otadhi kutha ombinga momahogololo gopaupresidente Gumwe gwomookandidate omukiintu, Nancy Kalembe Museveni okwa hogololwa iikako itano ngashiingeyi Okandidate oya pumbwa oopelesenda 50 kwa gwedhwa yimwe opo omahogololo kaaga shun emo
Iilyo 529 yegumbo lyomutumba gwopashigwana otayi ka hogololwa wo
-BBC