Aafuthi taya tsikile okuyuga iimaliwa poombaanga

Opolisi moshitopolwa shaShana oyi li molukongo lwaalumentu ye li yane, mboka ya yugu aakulukadhi yaali iimaliwa kwa li ya nuninwa omalongekidho ge fumbiko lyomukwanezimo gwawo.

Omugandji gwomawuyelele moshitopolwa shaShana Thomas Aiyambo okwa ti, os hi ningwa ni mashokao sh a ho loka mos hang a shomutenya mOngwediva. Otaku hokololwa omukiintu a li nomushiwikile ke ngoka a li temu hingile pethimbo taya longekidha efumbiko lyomusamane gwe. ”Omuselekadhi okwa li anana iimaliwa yithike N$ 20 000 mombaanga yaBank Windhoek poShana Mall, e taya hingi sigo opegumbo lya wo mOngwediva,” Aiyambo ta hokolola. Ta ti, shoya thiki pomwelo gwegumbo okwa li ya kondekelwa po kaalumentu ye li yane, mboka ya li yeya ulike oombele omanga yaali ya li taya tsu omatayiyela gwokonima yohauto ya wo.

“Aalumentu mboka okwa li ya yi ontuku noondjato adhihe, no hauto yo oGolf ontokele, ihe ka kwali ya lesha onomola yohauto oshoka okwali yahingi meendelelo.

Otaku hokololwa kutya mondjato yomuselekadhi omwali muna oshimaliwa shithike N$20 900 oshowo ongodhi yopeke yongushu N$3 640,”Aiyambo ta ti ngaaka.

Otaku hokololwa kutya aakulukadhi mboka okwa li yena elalakano lyokupita ashike pegumbo lya wo, yo ya tsikile okuya kegumbo hoka kuna oosa koElim.

Sigo nena kape na nando ogumwe akwatwa, no polisi otayi indile oshigwana shi longele kumwe nopolisi, okuya kwathelwa ya kwate aafuthi mboka.

Aiyambo ta ti, ota tsikile okukumagidha oshigwana kaashinane we iimaliwa oyindji moombanga, ihe naya kale taya longitha omukalo gwopawutekinika nenge oongodhi.

Oshiningwanima inaashifathana, omulumentu gwomimvo 30 okwa mangwa po kopolisi moshitopolwa shaMusati, sho anuwa a kwata omukadhona gwomimvo 18 koonkondo.

Omukuluntu gwopolisi moshitopolwa shaMusati Titus Shikongo okwa ti, oshingwanima shoka osha holoka lwopotundi 17h00 yokomatango.

“Otaku hokololwa kutya omukiintu ngoka anuwa okwa li a thikama a tegelela okukwata olefa tayi kegumbo kwAshitata ta zi kOtsandi. Omufekelwa moshiningwanima shika anuwa okwa li a zi miihwa ta tondoka, eta kwata omukiintu ngoka koonkondo,” Shikongo a popi ngaaka. Okanona koomwedhi omulongo oka si eso lyombaadhilila shoka gwile mehela lyomeya, momukunda Oshilovafa moshitopolwa shaMusati. Shikongo tai ti, oshiningwanima shoka osha holoka ethimbo lyokomatango, momudhingoloko gwEtayi.

“Otaku hokololwa kutya, okanona hoka okwa li kathigwa namukwawo gwoomvula omugoyi, omanga yina a li akiikoha. Pethimbo ashike ndyoka efupi okanona hoka oka li kakookaya sigo opehela lyomeya, etaka gwilemo noku sa,” Shikongo a hokolola.