Okaana komido 10 ke lidipaa
Opolifi otai konaakona oshiningwanima omo okamatyona komido 10 keli kufa omwenyo, eshi keli mangeleka momuti.
Epeko lopolifi otali holola kutya okamatyona oko okwali ka tumwa ku ina a hombolwa kuxe opo ka kateke omeva, ashike oka anya ko.
Konima oka ka hangwa ka endjelela momuti, ka xulifa.
Ovakwapata ova shivifilwa nale, nomakonaakono opolifi moshinima omu otaa twikile.
MEtitano, mulumenhu omunamido 40 okwa xulifa mOutapi moshitukulwa shaMusati. Otaky hokololwa omulumenhu ou a hangwa elimangelekela monduda yaye yokunangala nongodi yolusheno. Ina fiya a nyola kutya omolwashike eli mangelekela.
Okwa hokololwa yoo Lynn Tsuos (29) okwa xilifa lwopotundi 20h30 eshi a kungululwa noku twaalelwa komeva, moipafi yomulumenhu waye. Oshiningwanima eshi osha ningilwa keengaba da TransKalahari mOsoondaxa, pefimbo ava vavali kwali tava kendabala oku tauluka omulonga oo wali tau kunguluka. Omulumenhu okwa hangwa e na omwenyo eli kwatelela moshitai shomuti, omanga olulu laTsuos lekeli tuwa la hakelwa momuti.
Ovakwapata laye ova shivifiwa, nolutu ola twalwa koGobabis opo li ningilwe omakonaakono.
O pol ifiy aN a mi bi aotaik on aako na yoo oshibofa shedipao konima eshi omunamido 23 Lamek Nehale a tuwa fiyo omefyo komunhu ve shivike mOlomakaya moWindhoek.
Ouyelele wa pewa opolifi otau ti ovalumenhu vehe shivike okwali tava tanguna molwa ongodi vo nomufekelwa. Nehale ye kali oshitukulwa sheenhangu edi, ashike omufekelwa okwa pweya mo ombele noku twa Nehale monhulo. Konima yoshiningwanima omufekelwa okwa faduka po.
Opolifi fiyo opapa inai dulwa oku mu kwata po shaashi kaku shivike kutya okwa holama peni. Ovakwapata vaNehale navo ova shivifilwa.