Aaniilonga ya hupithwa momina moChina
Aahupithi yomwenyo moChina oya hupitha aaniilonga 11 yomomina yoshingoli mboka ya li ya patekene momina, oometa omathele kohi yevi uule wiiwike iyali. Omathano koradio yomuzizimbe oya li ya ulike omuniilonga gwotango, ngoka a li a mangwa komeho opo ku gamenwe omeho ge kuuyelele, ta kuthwa mo naaniilonga yeyakulu lyomeendelelo ya li taya imbi kenyanyu.
Natango onkene olukongo talu tsikile opo ku kongwe yakwawo ye li omulongo mboka natango inaaya monika noye li momina. Osheelo shomina yedhina Hushan moshitopolwa shaShandong osha li sha hanawuka po konima yomutopelo gwa holoka momasiku 10 Januali.
Aaniilonga ye li 22 oya li ya thitikininwa mo konima yomutopelo ngoka kaagu shiwike kutya ogwa etwa koshike. Omuntu gumwe okwa kolekwa a sa, na inapu tseyika natango mboka kaaye wetike ye li 10 oye na omwenyo natango nenge hasho. Omuniilonga gwotango okwa li a etwa komutunda ongula yOsoondaha.
Okwa li a mangwa komeho opo ga gamenwe nokwa li a falwa koshipangelo meendelelo a ka mone uuhaku, noku li monkalo ombwiinayi. Yakwawo yalwe oya li taya ende kuyo yene, taya yambidhidha kaaniilonga yehupitho, omanga inaaya falwa koshipangelo.
Omayakulo goku ya hupitha oga li ga ningwa meendelelo, nondjila ndjoka ya li tayi fulwa oku adha aaniilonga yomomina okwa li kwa tegelelwa yi kuthe iiwike okupwa.
“Ongula yOsoondaha aaniilonga yehupitho oya li ya pondola okuundula shimwe shomiinima mbyoka ya li ya thitika ondjila sha mbondokele mo, osho omuhupithi omukuluntu Du Bingjian a lombwele oshikundaneki shepangelo Global Times ngaaka.
Omulumentungokaahupithwa tango okwa li a patekena pehala lyi ili kuyakwawo 10 – mboka ya kala nokupewa iikulya osho wo omiti uule womasiku. Ongundu ndjika oya ti oya li ya ningi omakwatathano nomuniilonga omukwawo ngoka a li oye awuke nokwa li konyala oometa 100 okuza puyo. Aaniilonga yakwawo ye li 10 mboka inaaya monika natango inaya ningwa ekwatathano nayo.
Osheelo shokuya momina osha li sha halaka nayi komutopelo nomakwatathano oga li ga kana. Uule woshiwike, kapwa li tapu monika pen a mboka ya fa ya hupa, momasiku 17 Januali, aahupithi oya li ya dhimbulula yimwe yomoongodhi tadhi hilwa ndjoka ya li ya uka momilema.
Mbaka oya li ya shanga okambapila. Okuza mpoka, ekwatathano nomuniilonga omu1 olya li lya kana, nagumwe gwomaaniilonga ngoka a li a ehama okwa li a kolekwa a hulitha mEtine.Sho ya kala ye li monkalo ndjika, aaniilonga yomomina oya kala nokuninga omakwatathano naahupithi. Oya kala nokupewa iithima osho wo iikunguluki, nokonima yomasiku oya li ya pula omihaka. Iiponga yomoomina inayi pumba moChina. Omumvo gwa yi, aaniilonga 23 oya li ya si momina sho ohaasa yoCarbon monoxide ya li ya ziya momina yomakala. MuSepetemba, aaniilonga 16 oya li ya sile momina yilwe omolwa natango ohaasa yocarbon monoxide. MuDesemba gwo2019, omutopelo ogwa li gwa dhipagaaantu ya adha po14 moshitopolwa shaGuizhou.
-BBC