Ounona vekondjelomanguluk ova tembukila kEenhana
EENHANA – Ovalumenhu novakainhu ovo tave li ifana Ounona vEkondjelomanguluko ovo va ninga eedulavaongaonhandamOndangwa ova tembukila kOhangwena oko veli va onga onhanda kendiki lovanyasha mEenhana. Aveshe kumwe ava va ninga onhanda ove fike pomulongo navavali opo ve li hava nangala poshivelo shepata lendiki lovanyasha.
Lafimana Teeleleni Shilomboleni naEster Shikeenga ova popiliko vongudu ova popya kutya ova ninga etokolo opo va kale va fiya po
Ondangwa noku uya koshitopolwa Ohangwena netomeno kutya vahapu vomuvo ovo koshitukulwa oko.
Ova ti ova kala va onga onhanda konhele yomadeulo opolifi Ruben Danger Ashipala oshoyo ombelewa yovanyasha okudja momudo 2016. Ovanayasha ava ovali va etwa pendiki eli lovanyasha lOmondangwa, konima okudja koMorurwani oko va kelelelwa vahaye koKatima Mulilo kolupadi, tava ti okwa li va udanekelwa omadeulo konhele yomadeulo opolifi Simon Mutumba koKatima Mulilo. Ova popya kutya ova kala va teelela epangelo opo li wanife po omaudaneko alo oku va deula noku vapa oilonga. Ova popya kutya moku kala kwavo mOndangwa okwa li ashike va popifwa kuNgoloneya mukulu wOshana Clemence Kashuupulwa oo kwa li eva udanekela omadeulo oo inaa ningwa fiyo onena eli.
Paife ova ti otava kala noku onga onhanda yavo pendiki lovanyasha mEenhana fiyo va mona enyamukulo okudja kepangelo. Ova ti itava ka dja po nande efiku limwe va shune komaumbo manga inava mona omhito yomadeulo. Ova ti vo kaveshi ovaxwapindi no ihava ningi ominyonena, tava ti moku kala kwavo kOndangwa okwa li kweya ovapolifi tava deulwa ndele inave vaya moshipala, onghee nomonhanda omu ohatu ka la mo ashike nombili, osho Lafimana ati. Omukulunhu weendiki lovanyasha mEenhana Adelheid Nuugulu okwa ti ina didilika omalihumbato mai okudja muvo nghee va tameka onhanda yavo mendiki okudja 31 January 2021.
Kombinga youxupilo otava ti kutya ohava xupu ongaa oudilona, efimbo limwe va pewa oikulya kovanhu, efimbo limwe va ka konga ngoo oulonga, ashike otava pendula Kamushela waEenhana Olivia Hanghuwo ou eva vatela vaka lande omboloto.
Ngoloneya woshitukulwa Ohangwena ke mo moshitukulwa ashike okwa ti oteya a popye navo ngeenge a alukile mo moshitukulwa.